సూర్యాపేట జిల్లా: నాగారం మండలం పసునూరు గ్రామంలో గురువారం రాత్రి గుర్తు తెలియని వ్యక్తులు తెలంగాణ తల్లి విగ్రహం చేతిలో ఖాళీ బీరు సీసాను పెట్టిన ఘటన ఆలస్యంగా వెలుగులోకి వచ్చింది.గ్రామాల్లో వాడవాడకు నాలుగైదు బెల్ట్ షాపులు ఉండడంతో తప్ప తాగిన ఆకతాయిలు ఈ దుశ్చర్యకు పాల్పడ్డారని స్థానికులు ఆగ్రహం వ్యక్తం చేస్తున్నారు.
ఈ ఘటనకు పాల్పడిన వారిని గుర్తించి కఠినంగా శిక్షించాలని,
గ్రామంలో బెల్ట్ షాపులు లేకుండా ఎక్సైజ్ అధికారులు చర్యలు తీసుకోవాలని డిమాండ్ చేస్తున్నారు.లేకపోతే రానురాను తాగుబోతుల ఆగడాలు శృతిమించే ప్రమాదం ఉందని, ఆడపిల్లలు,మహిళలు బజారుకు వెళ్లాలంటే భయపడుతున్నారని, గుడి,బడి అనే తేడా లేకుండా బెల్టు షాపులు వెలుస్తున్నాయని,వైన్స్ లో దొరకని మందు కూడా బెల్ట్ షాపుల్లో లభ్యమవడంతో తప్పతాగి అర్థరాత్రి వరకు రోడ్లపై తిరుగుతున్నారని అన్నారు.
బెల్ట్ షాపులపై పోలీస్ యంత్రాంగం చర్యలు తీసుకోవాలని కోరుతున్నారు.
