పవన్ “ వేగం” బూమ్ రాంగ్ అయ్యిందా ?

ఒక రాజకీయ పార్టీ అధినేతగా తాను తన పార్టీ కార్యాలయానికి వెళుతుంటే ఎందుకు అడ్డుకుంటున్నారంటూ పవన్ పోలీసుల మీద ఫైర్ అవుతుంటే అసలే చంద్రబాబు అరెస్టుతో దిగజారుతాయేమో అన్న పరిస్థితుల నడుమ పవన్ కూడా చంద్రబాబుకు మద్దతు తెలపడానికి ప్రయత్నిస్తే శాంతి బద్రతలు అదుపు చేయడం మరింత కష్టమవుతుందనే కోణంలోనే పవన్ ను అడ్డుకోవడానికి ప్రయత్నించామని పోలీస్ శాఖ చెప్తుంది.అయితే ఒక పార్టీ అధ్యక్షుడిగా బాధ్యతగా వ్యవహరించాల్సిన పవన్ కళ్యాణ్ కావాలనే ఉద్దేశపూర్వకంగా హడావిడి చేశారని, చంద్రబాబు అరెస్టుతో ఆయన హర్ట్ అయ్యారని, సొంత కొడుకు కన్నా ఎక్కువగా పవన్ బాధపడుతున్నారని, ఆయన తన ప్రయోజనాల కోసం కాక చంద్రబాబు ప్రయోజనం కోసం నిత్యం బ్రతుకుతున్నారని మరోసారి రుజువు చేశారంటూ వైసీపీ సోషల్ మీడియా కానీ మెయిన్ మీడియా గానీ వరుస కధనాలు ప్రచారం చేసింది.

ఈ ప్రచారం నిజంగా జనసేనకు ఒకరకంగా ఇబ్బందికరమైన పరిస్థితి గా చెప్పవచ్చు.

ఒక మిత్రపక్షంగా మద్దతు తెలపడం వరకు పరవాలేదు కానీ ఆయన బయలుదేరిన సమయం, చేసిన హడావిడి మాత్రం ఒక రాజకీయ పార్టీకి మంచిది కాదని చెప్పవచ్చు.అయితే పవన్ పర్యటన కేవలం పార్టీ కార్యక్రమం మాత్రమేనని చంద్రబాబుకు మద్దతు సాటి పార్టీగా మాత్రమే మాట్లాడామని ,తమ వారాహి యాత్ర కోసం చర్చించడం కోసం వస్తున్న పవన్ ని అడ్డుకుంటున్నారంటూ జనసేన చెప్తుంది .ఏది ఏమైనా పవన్ ప్రయాణించిన సందర్భం మాత్రం ఆయన పై వైసీపీ అధికార వైసిపి ( YCP )విమర్శలు ఇవ్వడానికి మాత్రం అవకాశం ఇచ్చిందని చెప్పవచ్చు.