కెసిఆర్ హ్యాట్రిక్ కొట్టబోతున్నారా?

సర్పంచ్ నవ్య కేసులో అపఖ్యాతి పాలైన మాజీ ఉప ముఖ్య మంత్రి రాజయ్య( T Rajaiah ) ను తప్పించిన కేసీఆర్, కొడుకు ప్రవర్తన వల్ల అపఖ్యాతి పాలైన వనమా వెంకటేశ్వరరావు( Vanama Venkateswara Rao )ను కొనసాగించడం గమనార్హం .అభ్యర్థులు ఎంపికలో సామాజిక సమీకరణాలను ,ఆర్థిక అండదండలను లెక్కలోకి తీసుకున్నట్లుగా తెలుస్తుంది , అంతేకాకుండా ఆఖరి నిమిషం వరకు సీట్ల విషయాన్నీ నాన్చి అనవసరమైన వివాదాలకు, గోడ దూకే చర్యలకు నేతలు పాల్పడకుండా అందరికంటే ముందుగా అభ్యర్థులను ప్రకటించి ప్రచారంలోకి దూసుకు వెళ్లే విధంగా కేసీఆర్ ముందడుగు వేశారు.ఒకటి రెండు రోజుల్లో తిరుగుబాటు అభ్యర్థుల బుజ్జగింపులు పర్వాలను పూర్తి చేసుకొని సాధ్యమైనంత వేగంగా ప్రజాక్షేత్రంలోకి దూసుకెళ్లాలనే లక్ష్యంతో కేసీఆర్ పని చేస్తున్నట్లుగా తెలుస్తుంది.ఆఖరి నిమిషం వరకూ గుప్పెట మూసి ఉంచడం అనవసరమని తాడోపేడో ఇప్పుడే తేల్చే సుకుంటే ప్రశాంతంగా ఎన్నికలకు వెళ్ళొచ్చన్న లక్ష్యంతోనే అందరికంటే ముందుగా అభ్యర్థులను ప్రకటించినట్లుగా తెలుస్తుంది.

దానితో సీట్ల దక్కని సిట్టింగ్ ఎమ్మెల్యేలను తాము ఆకర్షించాలని భావించిన ప్రతిపక్షాల ఆశలపై కేసీఆర్ భారీ దెబ్బ కొట్టినట్లు అయింది.ప్రభుత్వo చేసిన అభివృద్ధి అమలు చేస్తున్న సంక్షేమ పథకాలే వచ్చే ఎన్నికల్లో గీటు రాయిగా ఉంటాయని భావిస్తున్న కేసీఆర్ మరోసారి హ్యాట్రిక్ కొట్టబోతున్నామన్న దీమాను ప్రదర్శించడం గమనార్హం .