2020లో కరోనా కారణంగా బ్యాన్ చేసిన ఎలక్ట్రానిక్ వీసాను రష్యా దేశం( Russia ) తిరిగి ప్రారంభించింది.ట్రావెలర్స్‌ 2023, ఆగస్టు 1 నుంచి ఇ-వీసాలకు దరఖాస్తు చేసుకోవచ్చని వెల్లడించింది.
భారతదేశంతో సహా కొన్ని దేశాల ప్రజలు రష్యాను సందర్శించడాన్ని ఇ-వీసా సులభతరం చేస్తుంది.ఇది సాధారణ వీసా లాగానే పని చేస్తుంది కానీ మీరు ఆన్‌లైన్‌లో దీని కోసం అప్లై చేయవచ్చు.
దీనివల్ల దరఖాస్తు చేసుకోవడం మరింత సులభంగా, సౌకర్యవంతంగా ఉంటుంది.ఇ-వీసా మీరు రష్యాలో 16 రోజుల వరకు ఉండడానికి అనుమతిస్తుంది.మీరు దీనిని పొందిన రోజు నుంచి 60 రోజుల వరకు చెల్లుబాటులో ఉంటుంది.40 డాలర్లు అప్లికేషన్ ఫీజుగా చెల్లించాల్సి ఉంటుంది.
రష్యాకు వెళ్లాలనుకునే విదేశీ సందర్శకులందరూ తప్పనిసరిగా ఆన్‌లైన్‌లో ఇ-వీసా( E-visa ) కోసం దరఖాస్తు చేసుకోవాలి.ప్లాన్ చేసిన ట్రిప్‌కు కనీసం 72 గంటల ముందు మీ దరఖాస్తును సమర్పించాలి.ప్రభుత్వాలు లేదా అంతర్జాతీయ సంస్థల కోసం పనిచేసే వ్యక్తులకు ఈ వీసా అవసరం లేదు.దరఖాస్తు చేసిన తర్వాత ఒక ఇమెయిల్ వస్తుంది.అందులో అప్రూవల్ గ్రాంటెడ్ అని ఉంటే మీరు రష్యాకు వెళ్లవచ్చని అర్థం.ట్రావెల్ నాట్ అథారైజ్డ్‌ అని ఉంటే, రష్యన్ ఎంబసీ( Russian Embassy )లో వేరే రకమైన వీసా కోసం దరఖాస్తు చేసుకోవాలి.
ఆథరైజేషన్ ఇన్ పెండింగ్‌ అని ఉంటే దరఖాస్తు ఇప్పటికీ రివ్యూ చేస్తున్నారని, మీరు 72 గంటలలోపు తుది ప్రతిస్పందనను పొందుతారని అర్థం.ఇమెయిల్ ద్వారా దరఖాస్తు స్టేటస్ తనిఖీ చేయవచ్చు.
ఇ-వీసాతో, రాయబార కార్యాలయం వద్ద భారీ లైన్లలో నిలబడవలసిన అవసరం ఉండదు.పర్యాటకులు రష్యాను సందర్శించడం చాలా సులభమవుతుంది.ఇ-వీసాలను పొందడానికి, భారత పౌరులు తప్పనిసరిగా చెల్లుబాటు అయ్యే భారతీయ పాస్‌పోర్ట్ కలిగి ఉండాలి.ఈ-వీసాలను పొందడానికి, రష్యన్ విదేశాంగ మంత్రిత్వ శాఖ వెబ్‌సైట్‌ను సందర్శించాలి.ఆ వెబ్‌సైట్‌లో, ఈ-వీసా కోసం దరఖాస్తు చేసుకోవచ్చు.
తెలుగు NRI వార్త విశేషాలు సులభముగా తెలుసుకోండి!!!!
ఎన్నారై
టాప్ స్టోరీస్
క్రైమ్ న్యూస్
అవీ...ఇవి
ప్రత్యేకం
