తైవాన్, బీజింగ్ మధ్య తీవ్ర ఉద్రిక్త పరిస్థితులు నెలకొన్న సంగతి తెలిసిందే.ఈ నేపథ్యంలో చైనా( China ) నుంచి తమ కంపెనీలన్నీ ఎత్తివేయాలని తైవాన్( Taiwan ) దేశం యోచిస్తోంది.
ప్రస్తుతం ప్రముఖ తైవాన్ కంపెనీలు( Taiwan Companies ) తమ తయారీ సదుపాయాలను చైనాకు బదులుగా భారతదేశానికి తరలించాలని ఆల్రెడీ ప్లాన్ చేయడం మొదలుపెట్టాయి.ఈ క్రమంలోనే తాజాగా తైవాన్ నేషనల్ డెవలప్‌మెంట్ డిప్యూటీ మినిస్టర్ కావో షీన్-క్వే మాట్లాడుతూ తమ మ్యానుఫ్యాక్చరింగ్ ఫెసిలిటీస్ ఇండియాకి తరలించాలని మొగ్గు చూపుతున్నట్లు వెల్లడించారు.
ఢిల్లీ, తైపీ మధ్య సెమీకండక్టర్స్, ఎలక్ట్రానిక్స్ తయారీ వంటి రంగాలలో సహకారం ఏర్పరచుకుంటామని స్పష్టం చేశారు.
తైవాన్ టెక్ దిగ్గజాలు తమ ప్రపంచ సరఫరా గొలుసులను బలోపేతం చేయడానికి భారతదేశాన్ని ఒక కీలకమైన గమ్యస్థానంగా చూస్తున్నాయి.తైవాన్ ఆసియాన్ స్టడీస్ సెంటర్ డైరెక్టర్ క్రిస్టీ సున్-ట్జు హ్సు మాట్లాడుతూ, చైనాలోని తైవాన్ కంపెనీలు దేశీయ వినియోగదారుల కోసం తమ సరఫరా గొలుసులను దేశం నుంచి వేరు చేయడానికి ప్రయత్నిస్తున్నాయని చెప్పారు.
యూఎస్, చైనా మధ్య వాణిజ్య ఉద్రిక్తతలు, తైవాన్ చుట్టూ చైనా సైనిక కార్యకలాపాలను పెంచడం వల్ల, తైవాన్ కంపెనీలు తమ ఉత్పత్తి స్థావరాలను యూరప్, ఉత్తర అమెరికా, యూఎస్, భారతదేశం వంటి దేశాలకు మార్చాలని ఆలోచిస్తున్నాయి.ఈ చర్య చైనా మార్కెట్‌పై( China Market ) వారి ఆధారపడటాన్ని తగ్గించడం, వారి తయారీ కార్యకలాపాలను వైవిధ్యపరచడం లక్ష్యంగా పెట్టుకుంది.ఇకపోతే అమెరికాకు చెందిన యాపిల్( Apple ) వంటి కంపెనీలు కూడా చైనా నుంచి తన మ్యానుఫ్యాక్చరింగ్, అసెంబుల్ యూనిట్స్ ఇండియాకి తరలిస్తున్నాయి.
