విజయవాడ ఇంద్రకీలాద్రిపై ఉన్న కనకదుర్గమ్మ ఆలయం ఈవో, ఛైర్మన్ ల మధ్య విభేదాలు మరోసారి బయటపడ్డాయి.ఈ క్రమంలో ఈవో భ్రమరాంబ తీరుపై ఆలయ ఛైర్మన్ కర్నాటి రాంబాబు తీవ్ర అసంతృప్తి వ్యక్తం చేస్తున్నారు.
అమ్మవారి శాకాంబరీ ఉత్సవాల సమయంలో ఈ వివాదం బహిర్గతం అయింది.ఆలయ అంతర్గత బదిలీల్లో భాగంగా ఛైర్మన్ పేషీలో మార్పులు చేశారు ఈవో భ్రమరాంబ.
ఈ నేపథ్యంలో ఒక్క అటెండర్ నే కేటాయించడంపై ఛైర్మన్ తోపాటు పాలక మండలి సభ్యులు ఆగ్రహం వ్యక్తం చేశారు.ఈవో ఏకపక్షంగా వ్యవహరిస్తున్నారని ఆరోపిస్తూ ఆ ఒక్క అటెండర్ ను పేషీ నుంచి వెనక్కి పంపించి వేశారు.
ఛైర్మన్ పేషీలో దేవస్థానం సిబ్బంది కనిపించలేదు.శాకాంబరీ ఉత్సవాల నేపథ్యంలో దేవస్థానం సిబ్బంది లేకపోవడంపై ఛైర్మన్ మండిపడ్డారు.
