చెద పురుగుల నుండి గోధుమ పంటను సంరక్షించే పద్ధతులు..!

ఉష్ణోగ్రత( Temperature ) అధికంగా ఉన్న సమయంలో ఈ పురుగులు మట్టి లోపల ఉండి, ఉదయం సాయంత్రం వేళలో బయటికి వస్తాయి.కాబట్టి ఈ పురుగుల ఉనికిని సాయంత్రం సమయాలలో గుర్తించవచ్చు.ఈ పురుగులు పంటని ఆశించకుండా చేయవలసిన సంరక్షణ చర్యలు ఏమిటో చూద్దాం.

పొలంలో గోధుమ విత్తనాలు( Wheat Cultivation ) నాటే సమయంలో అధిక తేమ లేకుండా నేల కాస్త పొడిగా ఉండేటట్లు చూసుకోవాలి.విత్తనాలను ముందుగా విత్తన శుద్ధి చేసుకున్న తర్వాతనే పొలంలో నాటుకోవాలి.

ఇక విత్తిన తర్వాత ఉదయం, సాయంత్రం వేళలలో పంటను గమనిస్తూ చెద పురుగులు ఆశించిన మొక్కలను గుర్తించి వెంటనే పంట నుండి వేరు చేయాలి.పొలంలో పనిచేస్తున్నప్పుడు మొక్కలకు గాయాలు కాకుండా జాగ్రత్తపడాలి.

పంట కోతల తర్వాత పంట అవశేషాలను పంట నుంచి పూర్తిగా తొలగించాలి.ఎందుకంటే పంట అవశేషాలు భూమిలో కుళ్ళిపోతే ఆ ప్రాంతంలో చెదపురుగులు గూళ్లను ఏర్పాటు చేసుకొని జీవిస్తాయి.

ఇక రసాయన పద్ధతిలో ఈ పురుగులను అరికట్టడం కోసం డెల్టా మెత్రిన్, ఇమిడా క్లోప్రిడ్ లను చెదపురుగులు ఉండే గుళ్ళ లోపలికి ఇంజక్ట్ చేయడం వల్ల ఈ పూర్తిగా నాశనం చేయబడతాయి.ఇక క్రమం తప్పకుండా రెండు సంవత్సరాలకు ఒకసారి పంట మార్పిడి చేయడం వల్ల వివిధ రకాల చీడపిడల బెడద ఉండదు.