యంగ్‌ రెబల్‌ స్టార్‌ ప్రభాస్( Prabhas ) ఒక వైపు ఆదిపురుష్ సినిమా తో ప్రేక్షకుల ముందుకు వచ్చేందుకు సిద్ధం అవుతున్నాడు.ఇదే సమయంలో ప్రభాస్ హీరోగా నటిస్తున్న ప్రాజెక్ట్‌ కే( Project k ) సినిమా షూటింగ్ లో పాల్గొంటున్నాడు.
అంతే కాకుండా ఆదిపరుష్ సినిమా యొక్క ప్రమోషన్ కార్యక్రమాల్లో పాల్గొంటున్నాడు.ఇక వచ్చే నెలలో సలార్‌ సినిమా( Salaar movie ) యొక్క షూటింగ్ కూడా పూర్తి చేయాలని ప్రభాస్ భావిస్తున్నాడు.
ఇన్ని సినిమాల మధ్య ప్రభాస్ ఆ మధ్య మారుతి ( Maruthi )దర్శకత్వంలో ఒక సినిమాను మొదలు పెట్టిన విషయం తెల్సిందే.ఆ సినిమాకు సంబంధించిన షూటింగ్ ప్రారంభించి చాలా రోజులు అయ్యింది.
కానీ ఇప్పటి వరకు సినిమా గురించి ఎలాంటి అప్డేట్‌ లేదు.అసలు సినిమా మొదలు పెట్టినట్లుగా కూడా మేకర్స్ ప్రకటించక పోవడం విశేషం.
సినిమా ఓకే అయిన వెంటనే చాలా మంది ప్రకటనలు చేయడం మనం చూస్తూ ఉంటాం.కానీ మారుతి మాత్రం ఇప్పటి వరకు సినిమా యొక్క ప్రకటన చేయలేదు.
దాంతో అసలు మ్యాటర్ ఏంటో అర్థం కాక జనాలు జుట్టు పీక్కుంటున్నారు.
విశ్వసనీయంగా అందుతున్న సమాచారం ప్రకారం పీపుల్స్ మీడియా ఫ్యాక్టరీ వారు ఈ సినిమాను నిర్మిస్తున్నారు.ప్రభాస్ కు జోడీగా ముగ్గురు ముద్దుగుమ్మలు నటిస్తున్నారు.అందులో ఒకరు మాళవిక మోహనన్‌ అనే విషయం తెల్సిందే.
అంతే కాకుండా మరో ముఖ్య పాత్రలో బాలీవుడ్‌ స్టార్‌ సంజయ్ దత్‌ నటిస్తున్నాడు.ఈ సినిమా యొక్క అధికారిక ప్రకటన ను షూటింగ్ మొత్తం పూర్తి చేసి గుమ్మడి కాయ కొట్టిన తర్వాత మాత్రమే రివీల్ చేయాలని నిర్ణయించుకున్నట్లుగా తెలుస్తోంది.
అదే జరిగితే ఈ మధ్య కాలంలో వచ్చిన సినిమాలన్నింటికి ఇది చాలా స్పెషల్‌ సినిమా అన్నట్లుగా నిలుస్తుంది.సినిమా ప్రారంభం నుండే ప్రమోషన్ కార్యక్రమాలు చేయడం ద్వారా సినిమాను జనాల్లో ఉంచాలని మేకర్స్ భావిస్తూ ఉంటారు.
కానీ ప్రభాస్ సినిమా విషయంలో మారుతి విభిన్నంగా ఆలోచిస్తున్నాడు.ఇలా అయితే సినిమా ప్రమోషన్ కు సమయం ఉంటుందా అంటూ కొందరు ప్రశ్నిస్తున్నారు.
వచ్చే ఏడాది సినిమా ను ప్రేక్షకుల ముందుకు తీసుకు రాబోతున్నారు.
తెలుగు వార్త విశేషాలు సులభముగా తెలుసుకోండి!!!!
