ఉజ్బెకిస్తాన్ సింగర్స్( Uzbekistan Singers ) ఏమిటి, ఇండియన్ పాటని పాడడం ఏమిటని అనుకుంటున్నారా? మీరు విన్నది నిజమే.2007లో అక్షయ్ కుమార్ హీరోగా తెరకెక్కిన ‘భూల్ భులయ్య’( Bhool Bhulaiyaa ) మూవీలోని ‘మేరే ధోల్నా’ సాంగ్ను ఉజ్బెకిస్తాన్ సింగర్లు ఆలపించిన తీరుని మనం ఇక్కడ పొగడకుండా ఉండలేము.తాజాగా దానికి సంబందించిన వీడియో నెట్టింట తెగ వైరలవుతోంది.శ్రేయ ఘోషల్, ఎంజీ శ్రీకుమార్ పాడిన ఈ పాట ఇప్పటికీ ఇక్కడ పాపులర్ ట్రాక్ అని చెప్పుకోవచ్చు.
ప్రముఖ మ్యూజిషియన్లు, గాయకులు ఈ పాటను వివిధ సందర్భాలలో ఆలపిస్తూ సోషల్ మీడియాలో అప్లోడ్ చేసిన విషయం మనకు తెలిసినదే.
ఐతే అదే పాటను ఇపుడు తాజాగా ఉజ్బెక్ సింగర్లు స్పష్టమైన హిందీ ఉచ్ఛారణతో ఈ పాటను పాడటం నెటిజన్లను అవాక్కయేలా చేస్తోంది.ఉజ్బెకిస్తాన్ కి చెందిన ‘హవస్ గురుహి మ్యూజిక్ బ్యాండ్’కు ( Havas Guruhi Music Band ) చెందిన ఇద్దరు సింగర్లు మన ఇండియన్ సంగీతాన్ని ఎంతో స్పష్టతతో పలకడం పట్ల చాలామంది తమ హర్షాన్ని వ్యక్తం చేస్తున్నారు.ఇక ఈ వీడియో నెట్టింట షేర్ చేయగానే పెద్దసంఖ్యలో వ్యూస్, కామెంట్స్ లభించాయి.
ఇకపోతే ఎంతో ఈజ్తో వారు హిందీ వెర్షన్ సాంగ్ను స్పష్టంగా పాడటం ఈ వీడియోలో మనం చూడవచ్చు.ప్రతి నోట్ వారు అద్భుతంగా పలికిన తీరుకి నెటిజన్లు సలాం చేస్తున్నారు.సింగర్ల మధ్య సమన్వయం కూడా చక్కగా కుదిరిందని, స్టాండింగ్ ఒవేషన్ పెర్ఫామెన్స్ ఇచ్చారని నెటిజన్లు ప్రశంసలు కురిపిస్తున్నారు.ఇండియాలో వున్నా చాలామంది గాయకుల కంటే మీరు ఈ పాటను ఎంతో అందంగా, హృద్యంగా పాడారని మరో యూజర్ కామెంట్ చేయడం ఇక్కడ చూడవచ్చు.
మీరు కూడా ఈ వీడియోని ఆస్వాదించండి మరి!
.
