నిరాశ్రయుడైన ఓ బాలుడి పట్ల ఒక పోలీసు అధికారి( Police Officer ) దయ తలిచారు.దానికి సంబంధించిన వీడియో సోషల్ మీడియాలో( Social Media ) వైరల్గా మారింది.
ఈ వీడియోను అభయ్ గిరి అనే యూజర్ ఇన్స్టాగ్రామ్లో పోస్ట్ చేశాడు.వీడియోలో పోలీసు ఒక హోమ్లెస్ బాలుడికి( Homeless Boy ) నీరు అందించి, ఆపై ఒక జత బ్లూ కలర్ చెప్పులు ఇవ్వడం చూడవచ్చు.
అంతేకాదు, వాటిని బాలుడు ధరించడంలో సహాయం చేశారు.మంచినీళ్లు ఇచ్చే ఎండలో కాళ్లు కాలకుండా చెప్పులు ఇచ్చి పోలీసు ఎంతో సహాయం చేయడంతో ఆ బాలుడు తన ఆనందాన్ని దాచుకోలేకపోయాడు.
సంతోషంతో చిరునవ్వులు చిందించాడు.తన కృతజ్ఞతను తెలియజేయడానికి పోలీసు పాదాలను తాకడానికి ప్రయత్నించాడు.
అయితే ఆ మంచి మనసున్న పోలీసు అక్కడితో ఆగలేదు.కొత్త ప్యాంటు, బ్లూ కలర్ టీ షర్ట్ ఇచ్చి ఆ అబ్బాయిని ఆశ్చర్యపరిచారు.అలా తన దాతృత్వాన్ని మరోసారి చూపించారు.బాలుడు తన ఆనందాన్ని అదుపు చేసుకోలేక మళ్లీ పోలీసు పాదాలను తాకేందుకు ప్రయత్నించాడు.ఈ వీడియోకి “ఈ చిరునవ్వు మనసును గెలుచుకుంది,” అని ఒక క్యాప్షన్ జోడించారు.ఈ పోలీసు అధికారిపై నెటిజన్లు ప్రశంసల వర్షం కురిపించారు.
ప్రతి పోలీసు అధికారి అతనిలా ఉండాలని ఆకాంక్షించారు.
నిరాశ్రయులైన అభాగ్యులకు కాస్త ప్రేమ చూపినా చాలు వారు ఎంతో సంతోషిస్తారని, ఆ సంతోషాన్ని చూస్తే మనకు సంతోషం వేస్తుందని ఒక యూజర్ కామెంట్ పెట్టారు.హృదయాన్ని హత్తుకునే ఈ వీడియో ఇన్స్టాగ్రామ్లో 3.35 లక్షలకు పైగా వీక్షణలను సంపాదించింది.తమ విధిని మించి, అవసరమైన వారికి సహాయం చేసే పోలీసు అధికారులు ఇప్పటికీ ఉన్నారని ఈ వీడియో చెప్పకనే చెబుతోంది.
