ఆసియన్ సంస్థల అధినేత సునీల్ నారంగ్ ఇప్పటికే మహేష్ బాబు భాగస్వామ్యంలో ఏఎంబి మల్టీప్లెక్స్ నిర్మించిన విషయం తెలిసిందే.ఈ మల్టీప్లెక్స్ ని హైదరాబాద్ కి అట్రాక్షన్ అన్న విధంగా తయారు చేశారు.
కాగా ప్రస్తుతం ఆసియన్ సంస్థ అల్లు అర్జున్ భాగస్వామ్యంతో అమీర్ పేట సత్యం థియేటర్ ను తీసుకొని ఎఎఎ అనగా ఆసియన్ అల్లు అర్జున్ మల్టీప్లెక్స్ ని రెడీ చేశారు.ఇప్పటికే వర్కు మొత్తం ఫినిష్ అవ్వగా మరొక రెండు మూడు రోజుల్లో ఓపెనింగ్ కానుంది.
కాగా ఈ థియేటర్ లో చాలా ప్రత్యేకతలు ఏర్పాటు చేస్తున్నారు.
ఎఎంబి లో ఎమ్ లాంజ్ అని పెట్టినట్లుగా ఇక్కడ ఎఎ లాంజ్ ను ఏర్పాటు చేస్తున్నారు.అయితే ఇది జస్ట్ లావిష్ సిటింగ్ ఏరియా మాదిరిగా కాకుండా, ఇంకా ఎంటర్ టైనింగ్ గా వుండేలా కూడా చూస్తున్నట్లు తెలుస్తోంది.అలాగే ఇక్కడ బన్నీ సినిమాల మర్చండైజర్, ఇతర వస్తువులు సేల్ కు లభించేలా ఏర్పాటు చేస్తారట.
కాగా భారీ ఖర్చుతో అల్లు అర్జున్ వర్చ్యువల్ ఇమేజ్ ను ఏర్పాటు చేస్తున్నారట.దీని ముందు నిల్చుని ఎవరు ఎలా చేస్తే ఆ ఇమేజ్ అలా రియాక్ట్ అవుతుందట.
రెగ్యులర్ స్క్రీన్ లతో పాటు శ్యామ్ సంగ్ నుంచి ఓ భారీ టీవీ స్క్రీన్ ను కూడా తెప్పించే ప్రయత్నం చేస్తున్నట్లు వార్తలు జోరుగా వినిపిస్తున్నాయి.దాని వల్ల ప్రొజెక్టర్ అవసరం లేకుండా సినిమా వేసుకోవడంతో పాటు క్లారిటీ కూడా బాగుంటుందట.ఇకపోతే అల్లు అర్జున్ విషయానికొస్తే ప్రస్తుతం అర్జున్ ప్రస్తుతం పుష్ప 2సినిమాలో నటిస్తూ బిజీ బిజీగా గడుపుతున్న విషయం తెలిసిందే.
