అదరగొడుతున్న లావణ్య త్రిపాఠి.. పులిమేక నుంచి మరో యాంగిల్?

ఇది ఇలా ఉంటే లావణ్య త్రిపాఠి తాజాగా నటించిన వెబ్ సిరీస్ పులి మేక.గత కొద్ది రోజులుగా ఈ వెబ్ సిరీస్ కు సంబంధించి అనేక రకాల వార్తలు సోషల్ మీడియాలో వినిపించిన సంగతి తెలిసిందే.ఇక తాజాగా రెండు రోజుల క్రితమే లావణ్య నటించిన ఈ పులి మేక వెబ్ సిరీస్ జీ5లో విడుదల అయింది.

భారీ అంచనాల నడుమ విడుదలైన ఈ వెబ్ సిరీస్ కి అద్భుతమైన రెస్పాన్స్ దక్కుతున్నట్లు తెలుస్తోంది.ముఖ్యంగా లావణ్య త్రిపాఠి లేడీ పోలీస్ అధికారి పాత్రలో అదరగొట్టేసింది.

ఓ సీరియల్ కిల్లర్ పోలీస్ అధికారులని హత్య చేస్తుంటాడు.ఈ కేసుని చేధించే బాధ్యత తీసుకున్న లేడి పోలీస్ పాత్రలో లావణ్య నటించింది.

ఆమెకి సహాయం చేసే ఫోరెన్సిక్ నిపుణుడిగా ఆది సాయి కుమార్ నటించారు.కథ లావణ్య కేంద్రంగానే సాగుతుంది.కథ మొత్తాన్ని లావణ్య తన నటన, యాక్షన్, ఎమోషన్ తో నడిపించింది.ఇక ఈ వెబ్ సిరీస్ లావణ్య త్రిపాటికి మంచి గుర్తింపును తెచ్చి పెట్టింది అని చెప్పవచ్చు.

ఇందులో ఉత్కంఠ భరిత సన్నివేశాలకు తగ్గట్లుగా లావణ్య కూడా పవర్ ఫుల్ గా చేసింది.లావణ్య త్రిపాఠి పాత్రలో చాలా వేరియేషన్స్ ఉన్నట్లు తెలుస్తోంది.