సినీ నటుడు నందమూరి తారకరత్న శనివారం రాత్రి తుది శ్వాస విడిచారు.లోకేష్ పాదయాత్ర ప్రారంభించిన మొదటి రోజే ఆయనకు గుండెపోటు రావడం.
ఆ తర్వాత బెంగళూరు నారాయణ హృదయాలయ ఆసుపత్రిలో జాయిన్ చేయడం తెలిసిందే.ఈ క్రమంలో బెంగళూరులో 23 రోజులపాటు చికిత్స తీసుకుంటున్న ఆయన శనివారం రాత్రి మరణించడం జరిగింది.
నందమూరి తారకరత్న మరణ వార్తపై పలువురు సినీ ప్రముఖులు రాజకీయ నేతలు స్పందిస్తున్నారు.ఈ క్రమంలో తారకరత్న మరణ వార్తపై జనసేన అధినేత పవన్ కళ్యాణ్ సోషల్ మీడియా వేదికగా స్పందించారు.
“నటుడు నందమూరి తారకరత్న కన్నుమూయడం బాధాకరం.ఆయన ఆత్మకు శాంతి చేకూరాలని పరమేశ్వరుణ్ణి ప్రార్థిస్తున్నాను.గత మూడు వారాలుగా బెంగళూరు ఆసుపత్రిలో చికిత్స పొందుతున్న తారకరత్న కోలుకుంటారని భావించాను.ఆయన నటుడిగా రాణిస్తూనే ప్రజా జీవితంలో ఉండాలనుకొన్నారు.ఆ ఆశలు నెరవేరకుండానే తుదిశ్వాస విడవటం దురదృష్టకరం.తారకరత్న భార్యాబిడ్డలకి, తండ్రి మోహనకృష్ణ గారికి, బాబాయి బాలకృష్ణ గారికి, ఇతర కుటుంబ సభ్యులకు నా ప్రగాఢ సానుభూతి తెలియచేస్తున్నాను.’ అని.పవన్ తన సానుభూతి వ్యక్తం చేయడం జరిగింది.
తెలుగు వార్త విశేషాలు సులభముగా తెలుసుకోండి!!!!
