రష్మిక తిక్క కుదిరించారుగా.. ఇకనైనా ఈ అమ్మడి బుద్ధి మారుతుందా ? 

ఇక హిందీ పరిశ్రమలో ఇప్పటికే రెండు సినిమాలు విడుదల కాగా మరో రెండు సినిమాలు సెట్స్ పై ఉన్నాయి.అవి కాకుండా తెలుగులో పుష్ప సీక్వెల్ నడుస్తూనే ఉంది.పైగా తమిళ్ లో వారిసు సినిమాతో అరంగేట్రం చేసింది.

ఆ సినిమాలో ఆమె పాత్ర నామ మాత్రమే అయినప్పటికీ తమిళంలో స్టార్ హీరో విజయ్ పక్కన నటించిన గుర్తింపు కోసం అలా చేశాను అంటూ స్టేట్మెంట్ కూడా ఇచ్చేసింది.ఇక తెలుగులో పుష్ప మొదటి పార్ట్ బాగా విజయవంతం కావడంతో ఎలాగో సీక్వెల్ చేతిలో ఉంది కాబట్టి సౌత్ లో ఉన్న గుర్తింపుతో పాటు నార్త్ లో పెరుగుతున్న గుర్తింపుని క్యాష్ చేసుకొనే పనిలో ఉన్నప్పటికీ ప్రస్తుతం సుకుమార్ రష్మిక కు చెక్ పెట్టినట్టుగా తెలుస్తోంది.

సీక్వెల్ విషయానికొచ్చేసరికి కన్నడ ఇండస్ట్రీ తో పాటు యావత్ దేశం లో రష్మికకు ఉన్న నెగటివ్ వైబ్ ని తగ్గించుకోవాలని డిసైడ్ అయిపోయాడు సుకుమార్.అందుకే ఆమె పాత్రకు కత్తెర వేస్తున్నాడట.ఆమె స్థానంలో ఫాహద్ ఫాజిల్ సీన్స్ పెరుగుతున్నాయట.దాంతో యధాలాపంగానే రష్మిక సీన్స్ తగ్గించాల్సి వస్తుందట.కారణం ఏదైనప్పటికీ రష్మికకు కాస్త మూడినట్లే కనిపిస్తుంది.ఇలాగే కొనసాగితే ఇటు తెలుగువారు, అటు హిందీ వారు సర్దుకొమ్మనడం ఖాయం.