ఆ లేఔట్ల జీవో వెనక్కి ! కారణం ఇదే ?

దీనిపై ఎక్కడా ఎటువంటి అభ్యంతరాలు వచ్చినా వెనక్కి తగ్గలేదు.కోర్టులు తప్పు పడితే తప్ప, ఆ నిర్ణయాలను మార్చుకునేందుకు జగన్ ఇష్టపడరు.తాజాగా ఓ జీవో విషయంలో జనాల నుంచి,  వ్యాపారుల నుంచి తీవ్ర వ్యతిరేకత , ఒత్తిడి వస్తుండడంతో,  చివరకు ఏపీ ప్రభుత్వం వెనక్కి తగ్గింది .

విషయానికి వస్తే పట్టణ , నగర ప్రాంతాల్లో ప్రైవేటు వ్యక్తులు వేసే లేఔట్ ల  మొత్తం విస్తీర్ణంలో ఐదు శాతం స్థలాన్ని పేదల ఇళ్ళ నిర్మాణానికి కేటాయించాలంటూ 2021 డిసెంబర్ 6 ఏపీ ప్రభుత్వం జీవో నెంబర్ 145 ను తీసుకొచ్చింది.దీంతో ఈ జీవోపై వ్యతిరేకత వ్యక్తం అయింది.

దీని కారణంగా లేఔట్లు వేయడం బాగా తగ్గిపోయింది.ప్రభుత్వానికి ఈ లేఔట్ ల ద్వారా వచ్చే ఆదాయము గణనీయంగా తగ్గిపోవడం, తాము వ్యాపారం కోసం లేఔట్లు వేస్తుంటే,  ఎప్పుడూ ఎక్కడా లేనివిధంగా ప్రభుత్వం ఐదు శాతం స్థలాన్ని తీసుకోవడం ఏమిటంటూ రియల్ ఎస్టేట్ వ్యాపారుల నుంచి ఒత్తిడి, వ్యతిరేకత రావడం,

అలాగే ఈ ఐదు శాతం స్థలం కు అయ్యే ధరను అక్కడ లేఅవుట్లు కొనుగోలు చేసిన వినియోగదారులపై వేస్తుండడం వంటి వాటితో ఈ జీవోపై వ్యతిరేకత పెరిగిపోతుండడం , సరైన అధ్యయనం చేయకుండానే ప్రభుత్వం ఈ జీవోను తీసుకొచ్చిందనే ఆరోపణలు రావడం తదితర వ్యవహారాలన్నిటిని సీరియస్ గా పరిశీలించిన ఏపీ ప్రభుత్వం తాము జారీ చేసిన జీవో నెంబర్ 145 వెనక్కి తీసుకుంది.అంతకంటే ముందుగా ఈ జోవో ను రద్దు చేయాలని డిమాండ్ చేస్తూ కొంతమంది కోర్టును ఆశ్రయించడంతో ఈ జీవోను వెనక్కి తీసుకుంటున్నట్లుగా మున్సిపల్ శాఖ పేర్కొంది.దీంతో ఈ వివాదానికి పుల్ స్టాప్ పడినట్టు అయ్యింది.