వెన్నెముక లేని దేశంగా మార్చుతున్న బిజెపి విధానాలను నిరసిస్తూ భారత రాష్ట్ర సమితి రైతు రాజ్య స్థాపన కోసం పోరాట శంఖం పూరించబోతోందని బీఆర్ఎస్ ఆంధ్రప్రదేశ్ శాఖ అధ్యక్షుడు తోట చంద్రశేఖర్ ప్రకటించారు.కేంద్రం అనుసరిస్తున్న విధానాల వల్ల భారతదేశం దుర్భర పరిస్తితిల్లోకి దిగజారిపోతుందని అందుకే తెలంగాణ ముఖ్యమంత్రి కే చంద్రశేఖర రావు భారత రాష్ట్ర సమితిని స్థాపించారని ఖమ్మం సభ ద్వారా దేశానికి దిశా నిర్దేశం చేయబోతున్నారని ఆయన అన్నారు…
18వ తేదీన ఖమ్మం లో జరగబోయే భారీ బహిరంగ సభకి ఆంధ్రప్రదేశ్ నుంచి కూడా పెద్ద ఎత్తున అభిమానులు కార్యకర్తలు తరలిరావాలని చంద్రశేఖర్ విజ్ఞప్తి చేశారు… రాష్ట్రం ప్రస్తుతం అనుభవిస్తున్న అనేక సమస్యలకు కేసీఆర్ నాయకత్వంలో బీఆర్ఎస్ పరిష్కారాలు చూపిస్తుందని ఆయన స్పష్టం చేశారు.
