వీరసింహారెడ్డి సినిమాకు కొన్ని నెగిటివ్ కామెంట్లు వినిపిస్తున్నా కమర్షియల్ గా ఈ సినిమా హిట్ గా నిలిచే అవకాశాలు అయితే ఉన్నాయి.సీడెడ్ లో పూర్తిస్థాయిలో వీరసింహారెడ్డి సినిమా హవా కనిపిస్తోంది.
చిన్న చిన్న మండలాలలో సైతం వీరసింహరెడ్డి మూవీ అంచనాలకు మించి కలెక్షన్లను సొంతం చేసుకుంటూ ఉండటం హాట్ టాపిక్ అవుతోంది.తొలిరోజు 25 కోట్ల రూపాయలకు పైగా షేర్ కలెక్షన్లను ఈ సినిమా సొంతం చేసుకోగా రెండో రోజు ఈ సినిమాకు 8 నుంచి 9 కోట్ల రూపాయల రేంజ్ లో కలెక్షన్లు వచ్చాయి.
వీరసింహారెడ్డి మూవీకి ఫస్ట్ వీకెండ్ లోనే ఏకంగా 60 కోట్ల రూపాయలకు పైగా కలెక్షన్లు వచ్చే అవకాశాలు అయితే కనిపిస్తున్నాయి.గతంతో పోల్చి చూస్తే బాలకృష్ణ మార్కెట్ మాత్రం పెరిగిందని కామెంట్లు వ్యక్తమవుతూ ఉండటం గమనార్హం.
అయితే వీరసింహారెడ్డిలో బాలయ్యకు చెల్లిగా కనిపించనున్న వరలక్ష్మి రాబోయే రోజుల్లో బాలయ్యకు జోడీగా కనిపించే ఛాన్స్ ఉందని బోగట్టా.
అన్ స్టాపబుల్ షోలో బాలయ్య మాట్లాడుతూ స్వయంగా ఈ కామెంట్లు చేయగా ఆ కామెంట్లు సోషల్ మీడియాలో తెగ వైరల్ అవుతున్నాయి.రాబోయే రోజుల్లో వరలక్ష్మి తనకు జోడీగా నటించాలని బాలయ్య కోరగా వరలక్ష్మీ శరత్ కుమార్ కూడా వెంటనే అంగీకరించారు.ఈ కాంబినేషన్ ను సెట్ చేసే దర్శకుడు ఎవరనే ప్రశ్నకు సమాధానం దొరకాల్సి ఉంది.
వీరసింహారెడ్డిలో చెల్లి ఇప్పుడు చెలి అంటూ బాలయ్య కామెంట్లు చేశారు.
అన్ స్టాపబుల్ షోకు ప్రేక్షకుల నుంచి మంచి రెస్పాన్స్ వస్తుండటం గమనార్హం.మరోవైపు త్వరలో అన్ స్టాపబుల్ షో పవన్ ఎపిసోడ్ ప్రసారం కానుందని స్పష్టత వచ్చింది.ఇప్పటికే ఈ ఎపిసోడ్ షూటింగ్ ను పూర్తి చేసుకున్న సంగతి తెలిసిందే.
త్వరలో ఆహా నిర్వాహకులు ఈ ఎపిసోడ్ టెలీకాస్ట్ డేట్ ను ప్రకటించనున్నారు.
