అమెరికా టెక్ దిగ్గజం యాపిల్ తమ వినియోగదారులను దృష్టిలో పెట్టుకొని చాలా అలెర్ట్ గా ఉంటుంది.తమ ఉత్పత్తుల్లోని సాఫ్ట్వేర్లో ఏదైనా భద్రతా లోపంగాని వచ్చినట్లైతే దాన్ని గుర్తించి, వెంటనే యూజర్లకు అలర్ట్స్ పంపిస్తుంది.
ఈ క్రమంలోనే ఐఫోన్, ఐప్యాడ్, మ్యాక్ కంప్యూటర్లు వినియోగిస్తున్న వారంతా తమ సాఫ్ట్వేర్ను వెంటనే అప్డేట్ చేసుకోవాలని తాజాగా సూచించింది.లేదంటే హ్యాకర్ల బారిన పడే ప్రమాదం ఉందని హెచ్చరించింది.
ఈ భద్రతా లోపం వల్ల హ్యాకర్లు పూర్తిగా డివైజ్ను తమ నియంత్రణలోకి తీసుకునే అవకాశం ఉందని యాపిల్ తెలిపింది.
ఈ మేరకు యూజర్లను హెచ్చరిస్తూ ఈ బుధవారం, గురువారం రెండు విడతల్లో భద్రతా లోపాలపై ప్రకటనలు చేసింది.
ఈ విషయం తెలియనివారు వెంటనే అప్రమత్తం కండి.ఐఫోన్ 6ఎస్తో పాటు దాని తర్వాతి మోడళ్లు, ఐప్యాడ్ 5వ జనరేషన్ సహా దాని తర్వాత వచ్చిన మోడళ్లు, ఐప్యాడ్ ఎయిర్2.
దాని తర్వాతి మోడళ్లు, ఐప్యాడ్ మినీ 4 దాని తర్వాత వచ్చినవి, ఐప్యాడ్ ప్రో అన్ని మోడళ్లు, 7వ జనరేషన్ ఐపాడ్ టచ్.పరికరాలన్నింటినీ ఖచ్చితంగా వెంటనే అప్డేట్ చేసుకోవాలని యాపిల్ సూచిస్తోంది.
కొన్ని మ్యాక్ కంప్యూటర్లలో కూడా ఈ లోపం ఉన్నట్లు తెలిపింది.
అందువలన వాటిని కూడా వెంటనే అప్డేట్ చేసుకోవాలని చెబుతోంది.ఈ నేపథ్యంలో వీలైనంత త్వరగా సెక్యూరిటీ అప్డేట్లను డివైజ్లలో ఇన్స్టాల్ చేసుకోవాలని సూచిస్తోంది.అయితే, ఈ లోపాన్ని ఎప్పుడు, ఎవరు గుర్తించారన్నది మాత్రం కంపెనీ ఇంకా వెల్లడించలేదు.
ఈ మేరకు IOS 15 యూజర్ల కోసం యాపిల్ కొత్త అప్డేట్ను విడుదల చేసింది.ఐఫోన్ యూజర్ల కోసం ఐఓఎస్ 15.6.1, ఐపాడ్ యూజర్ల కోసం ఐపాడ్ ఓఎస్ 15.6.1 వెర్షన్లను తీసుకొచ్చింది.ఈ అప్డేట్లతో రెండు ముఖ్యమైన లోపాలను సరిచేసినట్లు యాపిల్ కంపెనీ తెలిపింది.
తెలుగు వార్త విశేషాలు సులభముగా తెలుసుకోండి!!!!
