మాస్ మహారాజా కెరీర్ ఎప్పుడు జెట్ స్పీడ్ తోనే దూసుకు పోతాడు.ఏడాదికి మూడు నాలుగు సినిమాలను పక్కాగా విడుదల చేస్తాడు.
ఈయన గ్యాప్ లేకుండా సినిమాలు అనౌన్స్ చేసి అంతే వేగంగా షూటింగ్ కూడా పూర్తి చేస్తున్నాడు.ఇటీవలే రమేష్ వర్మ దర్శకత్వంలో చేసిన ఖిలాడీ సినిమా రిలీజ్ అయ్యింది.
కానీ అనుకున్నంత హిట్ అయితే అవ్వలేదు.
ఆ తర్వాత రవితేజ ‘రామారావు ఆన్ డ్యూటీ‘ సినిమాను కూడా రిలీజ్ చేసాడు.
శరత్ మండవ దర్శకత్వంలో తెరకెక్కిన ఈ సినిమా ఖిలాడీ కంటే ఘోరంగా పరాజయ పాలయ్యింది.గత వారమే ప్రేక్షకుల ముందుకు వచ్చిన ఈ సినిమా ప్లాప్ అవ్వడంతో ఫ్యాన్స్ నిరాశ చెందారు.
ఇక ఆ తర్వాత రవితేజ సినిమా కోసం ఎదురు చూస్తున్నారు.ప్రెజెంట్ రవితేజ త్రినాథరావు నక్కిన దర్శకత్వంలో ధమాకా సినిమా చేస్తున్నాడు.
ఈ సినిమాను కామెడీ అండ్ ఫ్యామిలీ ఎంటర్టైనర్ గా దర్శకుడు తెరకెక్కిస్తున్నాడు.అయితే రవితేజ చేసిన వరుస సినిమాలు పరాజయం కావడంతో ఈ సినిమాలో కీలక మార్పులు చేర్పులు చేస్తున్నట్టుగా తెలుస్తుంది.
ఈ సినిమాలో మరింత కామెడీ డోస్ పెంచి సినిమాలో వినోదాన్ని జోడించాలని నిర్ణయం తీసుకున్నారట.యాక్షన్ తో విసిగిపోయిన ప్రేక్షకులు కామెడీ తో వస్తే అయినా రవితేజ సినిమాను హిట్ చేస్తారేమో చూడాలి.ఇక ఈ సినిమాలో రవితేజ కు జోడీగా పెళ్లి సందడి బ్యూటీ శ్రీలీల నటిస్తుండగా.వివేక్ కూచిభట్ల సహా నిర్మాతగా టీజీ విశ్వ ప్రసాద్ భారీ స్థాయిలో ఈ సినిమాను నిర్మిస్తున్నారు.
మరి కామెడీని నమ్ముకుని వస్తున్న ఈ సినిమా అయినా హిట్ అవుతుందో లేదో చూడాలి.
తెలుగు వార్త విశేషాలు సులభముగా తెలుసుకోండి!!!!
