సోషల్ మీడియాలో వైరలయ్యే కొన్ని వీడియోలు చూస్తే నవ్వు రాక తప్పదు.తాజాగా అలాంటి ఒక వీడియో వైరల్గా మారింది.
ఈ వీడియోలో ఒక చిన్న కుక్క పిల్ల ఒక దొంగతనం చేసింది.ఇది చూసిన నెటిజన్లు నవ్వుకుంటున్నారు.
చిలిపి కుక్కపిల్ల అని కామెంట్లు పెడుతున్నారు.పూబిటీ అనే ఇన్స్టాగ్రామ్ పేజీ షేర్ చేసిన ఈ వీడియోకి ఇప్పటికే మిలియన్ల కొద్దీ వ్యూస్, లక్షల కొద్దీ లైకులు వచ్చాయి.
వైరల్ అవుతున్న వీడియో లో ఒక నల్ల కుక్క పిల్ల చిన్నారి వెంటపడటం చూడొచ్చు.ఆ కుక్క పిల్ల చిన్నారి కాళ్లకు ధరించిన బూట్స్ను కొరుకుతూ అల్లరి చేసింది.
అయితే ఈ కుక్క అల్లరి భరించలేక ఆ బాలిక వేగంగా నడవటం మొదలు పెట్టింది.అయితే కుక్క అల్లరి బాగా ఎక్కువ అవడంతో తన చేతి తో దానిని కొట్టాలని చిన్నారి చూసింది.
అదే చేతిలో ఆమె ఒక లాలీపాప్ పట్టుకుని ఉంది.ఈ క్రమంలోనే ఆ లాలీపాప్ కాస్త కుక్క నోటి వద్దకు వచ్చింది.దీంతో అదే అదునుగా భావించి ఆ లాలీపాప్ ను కుక్క పిల్ల గుటుక్కున నోట కరుచుకుంది.ఆ పుప్పి లాలీ పాప్ని పట్టుకొని ఎవరికీ దొరకకుండా వేగంగా పరుగెత్తింది.
అయితే తనకిష్టమైన క్యాండీని కుక్క ఎత్తుకెళ్ళడంతో చిన్నారి బాగా ఏడుస్తూ కనిపించింది.
ఈ వీడియో చూసిన నెటిజన్లు ఫన్నీగా కామెంట్ చేస్తున్నారు.“కుక్క నైనా సరే, ఇంకా ఎవరినైనా సరే నమ్మకూడదు. చిన్నారి తన క్యాండీని జాగ్రత్తగా పెట్టుకోవాల్సింది.
ఇప్పుడు ఈ బాలికకు ఈ విషయం బాగా అర్థం అయినట్లు ఉంది” అని ఒక నెటిజన్ కామెంట్ చేశాడు.అయ్యో పాపం అని మరికొంత మంది నెటిజన్లు సానుభూతి చూపిస్తున్నారు.
ఈ ఫన్నీ వీడియో ని మీరు కూడా చూసేయండి.
