సాధారణంగా చాలా మంది అమ్మాయిలు తమ జుట్టు సిల్కీగా మెరిసిపోవాలని కోరుకుంటారు.కానీ, జుట్టు సంరక్షణ లేకపోవడం, కెమికల్స్ ఎక్కువగా ఉండే షాంపూలను వాడటం, వాతావరణంలో వచ్చే మార్పులు, పోషకాల కొరత, హెయిర్ ఆయిల్స్ను ఎవైడ్ చేయడం, రెగ్యులర్గా షాంపూ చేసుకోవడం, హెయిర్ స్టైలింగ్ టూల్స్ను రోజూ వాడటం వంటి రకరకాల కారణాల వల్ల జుట్టు పొడిబారిపోతుంటుంది.
దాంతో కేశాలు తరచూ చిక్కుబడిపోయి చిందరవందరగా తయారవుతాయి.
ఇలా మీకు అవుతుందా.? అయితే మీరు ఇప్పుడు చెప్పబోయే న్యాచురల్ హెయిర్ సీరమ్ ను వాడాల్సిందే.ఈ సీరమ్ ఎలాంటి జుట్టును అయినా సిల్కీగా, షైనీగా మెరిపించడంలో గ్రేట్గా సహాయపడుతుంది.
మరి ఇంకెందుకు లేటు ఆ సీరమ్ను ఇంట్లోనే సులభంగా ఎలా తయారు చేసుకోవాలో తెలుసుకుందాం పదండీ.ముందుగా ఒక బౌల్ తీసుకుని అందులో రెండు టేబుల్ స్పూన్ల ప్యూర్ అలోవెర జెల్, వన్ టేబుల్ స్పూన్ గ్లిజరిన్, వన్ టేబుల్ స్పూన్ ఆల్మండ్ ఆయిల్, రెండు విటమిన్ ఇ క్యాప్సుల్స్ ఆయిల్ వేసుకుని రెండు, మూడు నిమిషాల పాటు కలుపుకోవాలి.
ఆ తర్వాత ఇందులో ఐదు నుంచి ఎనిమిది టేబుల్ స్పూన్ల రోజ్ వాటర్ ను వేసి విస్కర్ సాయంతో బాగా మిక్స్ చేసుకుంటే న్యాచురల్ హెయిర్ సీరమ్ సిద్ధం అవుతుంది.
ఈ సీరమ్ను ఏదైనా బాటిల్లో నింపుకుంటే.పదిహేను రోజుల పాటు వాడుకోవచ్చు.ఈ సీరమ్ను వారంలో మూడు సార్లు జుట్టుకు అప్లై చేసుకోవాలి.
తద్వారా కేశాలు సహజంగానే సిల్కీగా మెరుస్తాయి.అంతేకాదు, ఈ న్యాచురల్ సీరమ్ను వాడటం వల్ల హెయిర్ ఫాల్ స్టాప్ అవుతుంది.
జుట్టు ఒత్తుగా, పొడవుగా సైతం పెరుగుతుంది.కాబట్టి, ఈ సీరమ్ను తప్పకుండా తయారు చేసుకుని యూస్ చేసేందుకు ప్రయత్నించండి.