శ్రమ దోపిడీకి వ్యతిరేకంగా ఉద్భవించిందే మేడే : సీపీఐ నేత పోటు ప్రసాద్

శ్రమ దోపిడీకి వ్యతిరేకంగా ఉద్యమించిందే మేడే అని సిపిఐ ఖమ్మం జిల్లా కార్యదర్శి పోటు ప్రసాద్ అన్నారు .ఖమ్మం జిల్లా ప్రధాన హాస్పిటల్ ముఖ ద్వారం వద్ద మేడే వారోత్సవాల్లో భాగంగా ఈరోజు పోటు ప్రసాద్ ఏఐటీయూసీ జెండా ఆవిష్కరించారు .

అనంతరం జరిగిన సభలో పోటు ప్రసాద్ , ఏఐటీయూసీ ఖమ్మం జిల్లా ప్రధాన కార్యదర్శి బిజి క్లెమెంట్ మాట్లాడుతూ మెడికల్ రంగంలో ఏఐటీయూసీ ఎనలేని కృషి చేసిందని నిజాం కాలంలోనే మొదటిసారిగా మెడికల్ ఎంప్లాయిస్ యూనియన్ ను ప్రారంభించిన ఏకైక సంఘం ఏఐటీయూసీ నేను అని వాళ్ళు ఈ సందర్భంగా తెలియజేశారు .తెలంగాణ సాయుధ రైతాంగ పోరాట యోధులు డాక్టర్ రాజ్ భహదూర్ గౌర్ నాయకత్వంలో నిజాం కాలంలో వైద్య సిబ్బంది , మెడికల్ ఉద్యోగులు ఎదుర్కొంటున్న సమస్యలపై పోరాటం చేసి ఎన్నో విజయాలను సాధించింది అన్నారు .ఉమ్మడి ఆంధ్రప్రదేశ్ రాష్ట్రంలో మెడికల్ ఎంప్లాయిస్ యూనియన్ (MEU) మెడికల్ ఉద్యోగుల కొరకు అహర్నిశలు కృషి చేసిందని , పోరాటాలు చేసి ఎన్నో జీవోలను సాధించిందని వారు గుర్తు చేశారు .గతంలో ఖమ్మంలో కూడా బలమైన యూనియన్ గా ఉండేదని , కానీ కొన్ని కారణాల వలన వెనకబడి పోయిందన్నారు .ప్రస్తుతం కేంద్ర రాష్ట్ర ప్రభుత్వాలు అవలంబిస్తున్న కార్మిక వ్యతిరేక విధానాలకు వ్యతిరేకంగా పోరాటం చేయాల్సిన అవసరం ఉన్న ఈ తరుణంలో మరలా మెడికల్ ఎంప్లాయిస్ యూనియన్ ను పునరుద్ధరణ చేయటం సంతోషించదగ్గ విషయమన్నారు .రాబోయే రోజుల్లో మెడికల్ రంగంలో ఏఐటీయూసీ కీలక పాత్ర పోషించనున్నట్లు వారు తెలియజేశారు .శ్రమ దోపిడీకి వ్యతిరేకంగా సాగిన పోరాటంలో ఆవిర్భవించిన ఎర్రజెండా అండతో కార్మికులు , కర్షకులు తమ సమస్యలు పరిష్కరించుకోవడం కోసం పోరాటాలు చేయాలని వారు ఈ సందర్భంగా పిలుపునిచ్చారు .ఈ కార్యక్రమంలో ఏ ఐ టి యు సి ఖమ్మం జిల్లా అధ్యక్షులు గాదే లక్ష్మీనారాయణ , బి కే ఎం యు ఖమ్మం జిల్లా ప్రధాన కార్యదర్శి తాటి వెంకటేశ్వర్లు , తెలంగాణ మెడికల్ కాంట్రాక్ట్ ఎంప్లాయిస్ అండ్ అవుట్ సోర్సింగ్ ఎంప్లాయిస్ యూనియన్ ఖమ్మం జిల్లా గౌరవ అధ్యక్షులు తోట రామాంజనేయులు , కార్పొరేటర్ చామకూరి వెంకన్న , ఏఐటీయూసీ ఖమ్మం జిల్లా ఉపాధ్యక్షులు పేర బోయిన మోహన్ రావు , ఏఐవైఎఫ్ నాయకులు సతీష్ రెడ్డి , ఏఐటీయూసీ నాయకులు నాగేశ్వరరావు , వీరన్న , ఉపేందర్ , మైఖేల్ తదితరులు పాల్గొన్నారు .