స్పైడర్ అంటే సాలీడు తాను ఉండటానికి గూడును అల్లుకుంటుందని చాలా మంది అనుకుంటారు.అయితే ఇది నెట్ సహాయంతో అప్రమత్తంగా ఉంటుంది.
ఈ నెట్ సహాయంతో దానికి శబ్ధాలు అందుతాయి. న్యూయార్క్‌లోని బింగ్‌హాంప్టన్ యూనివర్శిటీకి చెందిన పరిశోధకులు తమ తాజా పరిశోధనలో ఈ వాదనను వినిపించారు.
స్పైడర్ తన వెబ్ సహాయంతో హాని చేసే వారి నుండి కూడా తనను తాను కాపాడుకుంటుందని పరిశోధకులు అంటున్నారు.స్పైడర్ తన గూడును ఎలా అల్లుకుంటుందో ఇప్పుడు తెలుసుకుందాం.
స్పైడర్ వెబ్ చుట్టూ ఏదైనా శబ్దం వచ్చినప్పుడు, గాలిలో కంపనం ఏర్పడుతుంది.గాలి ద్వారా, ఈ కంపనం నెట్ ద్వారా సాలీడు కాళ్ళకు చేరుకుంటుంది.
ఇది జరిగినప్పుడు సాలీడు చుట్టుపక్కల ప్రమాదం ఉండవచ్చని అప్రమత్తం అవుతుంది.గత పరిశోధనలో దాని వెబ్ దగ్గర ఏదైనా కంపించినప్పుడల్లా అది స్పందిస్తుందని వెల్లడైంది.
పరిశోధన సమయంలో దీనిని నిర్ధారించడానికి, శాస్త్రవేత్తలు సాలీడు వెబ్ సమీపంలో గాలిలో ధ్వనిని సృష్టించారు.
ఇది జరిగినప్పుడు మొదటిసారి, స్పైడర్ ప్రతిచర్య రూపంలో స్పందించింది.
చెవిలో ఉండే కర్ణభేరి ద్వారా మనిషి శబ్దాన్ని విని అర్థం చేసుకున్నట్లే ఇది కూడా స్పందిస్తుందని పరిశోధకులు గుర్తించారు.ఈ ప్రక్రియ కోసం సాలీడు తన కాళ్ళను ఉపయోగిస్తుంది.
ఇది పాదాల ద్వారా గాలిలో ఉండే ప్రకంపనలను గుర్తించడానికి ప్రయత్నిస్తుంది.అలా చేయడంలో అది సక్సెస్ అవుతుంది.
డైలీ మెయిల్ తెలిపిన వివరాల ప్రకారం ఈ ప్రయోగం ఆర్బ్-వీవర్ స్పైడర్‌లపై జరిగింది.ఇది పెద్ద వెబ్‌లను తయారు చేయడంలో ప్రసిద్ధి చెందింది.
ఈ సాలీడు ఎంత పరిమాణంలో ఉంటుందో దాని కంటే 10 వేల రెట్ల పెద్ద వెబ్‌ను తయారు చేయగలదు.దీనిపై ప్రయోగాలు చేయడానికి సౌండ్ ప్రూఫ్ గదిని ఉపయోగించారు.
ఈ పరిశోధనలో సాలీడు కనీసం 68 డెసిబుల్స్ శబ్దానికి ప్రతిస్పందిస్తుందని తేలింది.
