దేశంలో ఆవులు, గేదెలు, మేకలతో పాటు ఇప్పుడు ఒంటెల పెంపకంపై కూడా రైతులు ఆసక్తి చూపుతున్నారు.రాజస్థాన్లో దీనిని రాష్ట్రీయ జంతువు అని కూడా పిలుస్తారు.
ఒంటె పాలు ఆరోగ్యానికి ఎంతో ఉపయుక్తమని నిపుణులు చెబుతుంటారు.ఒంటెల పెంపకం గురించిన వివరాలు ఇప్పుడు తెలుసుకుందాం.
రైతుల్లో ఒంటెల పెంపకంపై అవగాహన పెంచేందుకు కేంద్ర ప్రభుత్వం ఎప్పటికప్పుడు అనేక పథకాలను ప్రవేశపెడుతోంది.ఇంతేకాకుండా అనేక గ్రాంట్లు కూడా అందిస్తోంది.
అదేవిధంగా ప్రభుత్వ డెయిరీ ఆర్సిడిఎఫ్ ద్వారా ఒంటె పాల సేకరణ జరుగుతోంది.దీంతో రైతులకు ఒంటె పాలను మార్కెట్ చేసేందుకు వెసులుబాటు లభించింది.
ఒంటెల పెంపకంపై పలు రాష్ట్ర ప్రభుత్వాలు రైతులకు ఆర్థిక సహాయం కూడా అందజేస్తాయి.భారతదేశంతో పాటు ఇతర దేశాలలో ఒంటె పాలకు డిమాండ్ చాలా ఎక్కువ.
కాగా తాజాగా ఒంటెల ఎగుమతిపై ప్రభుత్వం నిషేధం విధించింది.తగ్గిపోతున్న ఒంటెల సంఖ్యను అరికట్టేందుకు ప్రభుత్వం ఈ నిర్ణయం తీసుకుంది.
ఒంటెల రైతులను ఆదుకునేందుకు ప్రభుత్వం ఎప్పటికప్పుడు శిక్షణ కార్యక్రమాలు కూడా నిర్వహిస్తోంది.దీని వల్ల అధికశాతం రైతులు ఒంటెల పెంపకం వైపు మొగ్గు చూపుతున్నారు.
