రాజమౌళి దర్శకత్వంలో మెగా పవర్ స్టార్ రామ్ చరణ్, ఎన్టీఆర్ నటించిన ఆర్ఆర్ఆర్ సినిమా ఎంతో అద్భుతమైన విజయాన్ని అందుకుంది.ఇక ఈ సినిమా తర్వాత ఎన్టీఆర్ రామ్ చరణ్ ఇద్దరు కూడా మంచి స్నేహితులుగా మారిపోయారు.
అయితే వీరి మధ్య ఉన్న ఈ స్నేహం ఈ సినిమాతో మొదలైంది కాదని ఎప్పటి నుంచో వీరి మధ్య ఇలాంటి స్నేహం ఉండటం వల్లే ఈ సినిమా కోసం వీరిద్దరిని తీసుకున్నానని రాజమౌళి వెల్లడించారు.ఇలా ఈ సినిమా ద్వారా రామ్ చరణ్, ఎన్టీఆర్ మధ్య మంచి బంధం ఏర్పడింది.
సినిమా విడుదలైన తర్వాత కొందరు వీరి స్నేహబంధం పైన విషప్రచారం చేస్తున్నారు.
ఈ సినిమాలో రాజమౌళి రామ్ చరణ్ కు అధిక ప్రాధాన్యత ఇచ్చి ఎన్టీఆర్ ను తక్కువ చేసి చూపించారని, ఈ విషయంపై ఎన్టీఆర్ కూడా కాస్త గుర్రుగా ఉన్నారనీ పెద్ద ఎత్తున వార్తలు వచ్చాయి.అయితే ఈ వార్తలన్నింటికి చెక్ పెడుతూ…ఎన్టీఆర్ ఒక అద్భుతమైన ఫోటోని సోషల్ మీడియా వేదికగా షేర్ చేస్తూ వారి మధ్య ఉన్న స్నేహ బంధం గురించి తెలియజేశారు.చరణ్ మార్చి 27వ తేదీ తన 37 వ పుట్టిన రోజును జరుపుకోవడంతో సోషల్ మీడియా వేదికగా ఆయనకు ప్రత్యేకంగా కృతజ్ఞతలు తెలియజేశారు.
ఈ క్రమంలోనే ఈ సినిమా షూటింగ్ సమయంలో రామ్ చరణ్ పోలీస్ షర్ట్ వేసుకోగా… తారక్ షర్ట్ బటన్స్ పెడుతూ… పుట్టినరోజు శుభాకాంక్షలు బ్రదర్.నువ్వు ఎప్పుడు నా పక్కనే నాకు అండగా ఉన్నందుకు నీకు రుణపడి ఉంటాను.మన మధ్య ఉన్న అనుబంధానికి ఈ ఫోటో ఒక్కటే నిదర్శనం కాదు…ఇలాంటివి మన మధ్యలో ఎన్నో ఉన్నాయి అంటూ ఎన్టీఆర్ చెప్పుకొచ్చారు.ప్రస్తుతం ఈ ఫోటో సోషల్ మీడియాలో వైరల్ గా మారింది.
ఈ ఫోటో ద్వారా వీరి మధ్య ఎలాంటి మనస్పర్థలు లేవని తారక్ చెప్పకనే చెప్పేశారు.
Many happy returns brother @alwaysramcharan. Always grateful to have you by my side. Here's to making many more memories together. pic.twitter.com/1ma42XzdTt
— Jr NTR (@tarak9999) March 27, 2022
