సింహం పిల్ల‌ను ఎత్తుకెళ్తున్న అమ్మాయి.. వీడియో చూస్తే వ‌ణుకే..

ఏ అమ్మాయి అయినా సాహసం చేస్తే.పొగడ్తలతో ముంచెత్తుతారు.

మరికొందరైతే సింగం పిల్లా అంటూ కొనియాడతారు.

మరీ, నిజంగా సింహాన్ని తన చేతులతో ఎత్తుకుంటే ఆ అమ్మాయిని ఏమనాలి.

వీర నారి అంటూ పిలవాలేమో.తాజాగా ఇలాంటి ఘటన ఒకటి కువైట్‌లో జరిగింది.

ఇందుకు సంబంధించిన వీడియో తెగ వైరల్ అవుతోంది.కువైట్‌లో క్రూర జంతువులను పెంచుకోవడం అక్కడి జనాలకు అలవాటు.

ఇందుకు ప్రభుత్వ అనుమతి తప్పనిసరిగా తీసుకోవాల్సి ఉంటుంది.అలా ఓ కుటుంబం కూడా సింహం పిల్లను పెంచుకుంటుంది.

అయితే అది ఓసారి ఇంటి నుంచి బయటకు వచ్చి కనిపించకుండపోయింది.దీంతో సదరు కుటుంబ సభ్యులు పోలీసులకు ఫిర్యాదు చేశారు.

ఒకపక్క పోలీసులు, మరోపక్క కుటుంబ సభ్యులు సింహం కోసం వెతుకులాట ప్రారంభించారు.అర్ధరాత్రి సమయంలో సమీపంలో ఉన్న ఫ్లే గ్రౌండ్ వద్ద సింహం ఉన్నట్లు వారికి సమాచారం అందింది.

వెంటనే ఆ కుటుంబానికి చెందిన ఓ యువతి అక్కడికి వెళ్లింది.సింహాన్ని తన చేతుల్లో తీసుకొని ఇంటికి తీసుకెళ్లింది.

ఇందుకు సంబంధించిన వీడియో ప్రస్తుతం తెగ వైరల్ అవుతోంది.ఆమె తన చేతుల్లోకి సింహాన్ని తీసుకున్నాక అది గట్టిగా అరుస్తుంది.

ఇందుకు సంబంధించిన దృష్యాలు స్థానికంగా ఉన్న సీసీ కెమెరాల్లో రికార్డ్ అయింది.