సూపర్ స్టార్ మహేష్ బాబు నటిస్తోన్న తాజా చిత్రం సరిలేరు నీకెవ్వరు తాజాగా చిత్ర షూటింగ్ పనులు ముగించుకుంది.ఈ సినిమాను సంక్రాంతి బరిలో రిలీజ్ చేసేందుకు చిత్ర యూనిట్ రెడీ అయ్యారు.
ఈ సినిమాతో మరోసారి సంక్రాంతి ఫీవర్‌ను మహేష్ క్యాష్ చేసుకోవాలని చూస్తున్నాడు.ఇక ఈ సినిమా తరువాత మహేష్ చేయబోయే సినిమా గురించి తాజాగా ఇండస్ట్రీ వర్గాల్లో ఓ ఇంట్రెస్టింగ్ వార్త వినిపిస్తోంది.
ప్రపంచ దిగ్గజ ప్రొడక్షన్ మరియు డిస్ట్రిబ్యూషన్ కంపెనీ సోనీ పిక్చర్స్ మహేష్ బాబుతో కలిసి ఓ పాన్ ఇండియా మూవీ చేసేందుకు రెడీ అవుతోంది.ఇప్పటికే దీనికి సంబంధించిన మహేష్ టీమ్‌తో చర్చలు కూడా జరుపుతున్నట్లు తెలుస్తోంది.
కేవలం టాలీవుడ్‌నే కాకుండా బాలీవుడ్‌లోనూ మహేష్ తన సత్తా చాటాలని చూస్తున్నాడు.దీనికోసం యూనివర్సల్ సబ్జెక్ట్‌ను రెడీ చేశాడట దర్శకుడు వంశీ పైడిపల్లి.
మహేష్ పాన్ ఇండియా సినిమాపై మనసు పడటంతో తెలుగుతో పాటు హిందీలోనూ మార్కెట్ పెంచుకోవాలని చూస్తున్నాడు.మరి ఈ సినిమా ఎప్పుడు మొదలవుతుందా అని అందరూ ఆతృతగా చూస్తున్నారు.
మహేష్ కెరీర్‌లో 27వ సినిమాగా రానున్న ఈ సినిమా పాన్ ఇండియా మూవీ అవుతుందో లేదో చూడాలి.
