బంగాళాదుంపలో యాంటీ ఆక్సిడెంట్స్ మరియు మినరల్స్,విటమిన్స్ సమృద్ధిగా ఉండుట వలన చర్మ సంరక్షణలో బాగా సహాయపడుతుంది.ఈ బంగాళాదుంప పాక్స్ అన్ని చర్మ తత్వాలకు సరిపోతుంది.
బంగాళాదుంప ప్రతి ఇంటిలోనూ ఉంటుంది.మనం రెగ్యులర్ గా వాడుతూ ఉంటాం.
అటువంటి బంగాళాదుంప ఉపయోగించి చర్మ సమస్యలను తగ్గించుకుందాం.
తురిమిన బంగాళాదుంపలో తేనే కలిపి ముఖానికి పట్టించి అరగంట తర్వాత గోరువెచ్చని నీటితో శుభ్రం చేసుకుంటే చర్మం కాంతివంతంగా మెరుస్తుంది.
ఈ విధంగా వారానికి రెండు సార్లు చేస్తే మంచి ఫలితం వస్తుంది.
ఒక స్పూన్ బంగాళాదుంప జ్యుస్ లో ఒక స్పూన్ మజ్జిగ,ఒక స్పూన్ శనగపిండి, ఒక స్పూన్ నిమ్మరసం కలిపి పేస్ట్ గా తయారుచేయాలి.ఈ పేస్ట్ ని ముఖానికి పట్టించి అరగంట అయ్యాక గోరువెచ్చని నీటితో శుభ్రం చేసుకోవాలి.ఈ ప్యాక్ ఆయిలీ స్కిన్ వారికీ బాగా ఉపయోగపడుతుంది.
చర్మం యవన్నంగా కన్పించటంలో ఈ ప్యాక్ చాలా బాగా సహాయపడుతుంది.
ఒక స్పూన్ బంగాళాదుంప జ్యుస్ లో ఒక స్పూన్ ఎగ్ వైట్, ఒక స్పూన్ పెరుగు కలిపి ముఖానికి రాసి అరగంట తర్వాత గోరువెచ్చని నీటితో శుభ్రం చేయాలి.
ఈ విధంగా వారంలో రెండు సార్లు చేస్తే ముఖం మీద మురికిని తొలగించి కాంతివంతంగా మారుస్తుంది.
తెలుగు ఆరోగ్య టిప్స్, వార్త విశేషాలు సులభముగా తెలుసుకోండి!!!!
