వైసీపీదే గెలుపు .. ఈ ధీమా వెనుక ఇంత వ్యూహం ఉందా ? 

ఎగ్జిట్ పోల్స్ లో అత్యంత ఖచ్చితత్వం తో ఫలితాలను అంచనా వేసే ఇండియా టుడే 19 నుంచి 23 మధ్య లోక్ సభ స్థా నాలు వస్తాయని చెప్పింది.వైసీపీ రెండు నుంచి నాలుగు సీట్ల వరకు మాత్రమే గెలుస్తుందని చెప్పింది.దీంతో ఏపీలో కూటమి అధికారంలోకి వచ్చే ఛాన్స్ ఉన్నట్లుగా సర్వే నివేదికల ద్వారా తెలుస్తోంది .అయితే సర్వే సంస్థల్లో క్రెడిబిలిటీ ఉన్న  ఆరా మస్తాన్ సర్వే కూడా ఒకటి.ఈ సర్వే ప్రకారం వైసిపి అధికారంలోకి వస్తుందని ఆరా మస్తాన్( Aara masthan) సర్వే తేల్చి చెప్పింది.

దీనిని వైసిపి ప్రముఖంగా ప్రచారం చేసుకుంటుంది.ఆరా మస్తాన్ సర్వే నివేదిక ప్రకారం తాము అధికారంలోకి రాబోతున్నామని,  జనాలతో పాటు కింది స్థాయి కేడర్ కు కూడా సంకేతాలు పంపిస్తోంది.

ఒకవైపు కూటమి అధికారంలోకి రాబోతుందని అనేక ప్రముఖ సర్వే సంస్థలు ప్రకటించినా,  వైసిపి గెలుపు ధీమా వీడకపోవడం వెనుక కారణాలు చాలా కనిపిస్తున్నాయి.

ఎన్నికల ఫలితాలు వెలువడే వరకు అనేక వ్యవహారాలు చక్క పెట్టుకోవాల్సి ఉంటుందని,  అలాగే అధికారుల మీద పట్టు కోల్పోతే కౌంటింగ్ సమయంలో ఇబ్బందులు తప్పవని , కౌంటింగ్ సమయంలో పోలింగ్ ఏజెంట్లుగా ఉండేందుకు ఎవరు ముందుకు రాని పరిస్థితి ఏర్పడుతుందని, అదే జరిగితే వైసీపీ( YCP party )కి అనేక ఇబ్బందులు ఎదురవుతాయని ముందుగానే గ్రహించి, జగన్ కచ్చితంగా తామే అధికారంలోకి రాబోతున్నామనే సంకేతాలను జనాలకు , పార్టీ కార్యకర్తలకు పంపిస్తూ , వారిలో ధైర్యం నూరి పోసే విధంగా గెలుపు ధీమా ను వ్యక్తం చేస్తున్నారు.