ఇప్పుడు కేంద్రం జగన్ ని డీల్ చేసే పద్ధతి మారుతుందా?

జగన్ ( Jagan ) ప్రభుత్వానికి కేంద్రానికి మధ్య లోపాయి కారి ఒప్పందాలు చాలా ఉన్నాయని అందుకే ఇన్ని సిబిఐ ఈడీ కేసుల్లో ఉన్నా కూడా జగన్ స్వేచ్ఛగా బయట తిరగగలుగుతున్నారని, ఆర్థికంగా రాష్ట్రం ఇంత అధోగతి పాలైన కూడా ఇంకా కొత్త అప్పులు పుట్టించగలుగుతున్నారని ప్రతిపక్షాల విమర్శలు ఎలా ఉన్నా, సామాన్య జనంలో కూడా అనుమానాలు అయితే ఉన్నాయి.

కేంద్ర మద్దతు లేకుండా జగన్ ఈ స్థాయిలో నెగ్గుకు రాలేరని కొద్దిగా ఆలోచిస్తే ఎవరికైనా అర్థమవుతుంది.

ఉభయ సభలలో కలిపి 30 మంది దాకా ఎంపీలు ఉన్నారు కాబట్టే రాజకీయాల్లో ఎవరి అవసరం ఎప్పుడు వస్తుందో తెలియదు కాబట్టి ఇప్పటిదాకా జగన్ విషయంలో కేంద్రం అనుకూల వైఖరితో ఉందని ఆయన అడిగిన వాటిల్లో చాలా విషయాల్ని కేంద్రం ఒప్పుకుంటుందని అయితే ఇకపై ఆ పరిస్థితి మారుతుందని రాజకీయ విశ్లేషకులు అంచనా కడుతున్నారు.