తెలంగాణాలో జనసేన దారేది ..? అసలు స్పందన ఏది

తెలంగాణాలో ఎన్నికల సందడి మొదలయ్యింది.అన్ని పార్టీలు ఎన్నికల కోసం రెడీ అయిపోతున్నాయి.

కొత్త రకాల పొత్తులు, కొత్త కొత్త అభ్యర్థులు తెరమీదకు వస్తున్నారు.ఎన్నికల్లో గెలుపు తమదే అన్నట్టు కస్టపడుతున్నారు.

ఇవన్నీ ఎన్నికల తంతులో భాగమే.అయితే ఇప్పుడు ఈ సందడిలో జనసేన అధినేత పవన్ కళ్యాణ్ పేరు ప్రస్తావనకు వస్తోంది.

ఎన్నికల సందడి తెలంగాణలో మొదలయిపోయినా పవన్ పార్టీ నుంచి మాత్రం ఏ విధమైన స్పందన కనిపించడంలేదు.ఏపీలోనే ఇంకా జనసేన పుంజుకోకపోయినా.

తెలంగాణ ఎన్నికల్లో మాత్రం పోటీ చేసేందుకు సై సై అంటోంది.ఏపీలో రాజకీయాధికారం కోసం పోరాడుతున్న జనసేనాని తెలంగాణ రాజకీయాలపై ఎలా స్పందిస్తాడనే ఆసక్తి అందరిలోనూ నెలకొంది.

తెలంగాణలో ప్రతిపక్షం కాంగ్రెస్ ముందస్తు ఎన్నికలకు రెడీ అవుతుండగా.టీడీపీ మాత్రం డైలమాలో ఉంది.

కేసీఆర్ తో సాన్నిహిత్యం నెరుపుతున్న బీజేపీ ఇంకా ఎటూ తేల్చుకోకుండా ఉంది.తెలంగాణతో పాటు ఏపీలోనూ తాను పోటీ చేస్తానని ఇది వరకు ప్రకటించిన పవన్ కళ్యాణ్ ఇప్పుడు కేసీఆర్ తీసుకున్న ముందస్తు నిర్ణయంపై ఇప్పటి వరకూ స్పందించ లేదు.

పవన్ కళ్యాణ్ జనసేనకు ఇప్పటికీ ఏపీలో క్యాడర్ లేదు.ఫ్యాన్స్ బలంతో ప్రజల్లో ఉన్న క్రేజ్ తోనే ఆయన ఏపీలో ప్రచార పర్వాన్ని నెట్టుకొస్తున్నారు.