వాట్సప్ సూపర్ ఫీచర్‌.. ఇకపై దానిని సులభంగా గుర్తించవచ్చు!

వాట్సాప్‌ ఇటీవలే వాట్సాప్‌ ఛానల్‌ ఫీచర్‌ను విడుదల చేసిన సంగతి అందరికీ తెలిసే వుంటుంది.ఈ తరహా ఫీచర్‌ ఇప్పటికే ఇన్‌స్టాగ్రామ్‌, టెలిగ్రామ్‌లు కలిగి ఉన్నాయి.అదేవిధంగా వాట్సాప్‌ ఛానల్‌లో జాయిన్‌ అయ్యే వినియోగదారుల భద్రత కోసం వాట్సాప్‌ కీలక నిర్ణయం తీసుకుంది.

వారి ఫోన్‌ నంబర్ల ఇతరులకు కనిపించకుండా చర్యలు తీసుకుంది.భారత్ సహా 150 దేశాల్లో వాట్సాప్‌ ఛానల్‌ ఫీచర్‌ను అందిస్తున్నట్లు సంస్థ చెప్పుకొచ్చింది.

ఇప్పటికే ఈ ఫీచర్‌ చాలా మందికి అందుబాటులోకి రాగా.రానున్న కొన్ని రోజుల్లో ఈ ఫీచర్‌ అందరికీ అందుబాటులోకి రానుంది.

అలాగే వాట్సాప్‌ ఛానల్‌ ఫీచర్‌ను మరింత ప్రాముఖ్యంలోకి తీసుకొచ్చేందుకు సంస్థ కీలక చర్యలు తీసుకుంటోంది.భారత క్రికెట్‌ జట్టు, దిల్జిత్‌ దోసాంజ్‌, నేహా కక్కర్, కత్రినా కైఫ్‌ వంటి ప్రముఖులతో ఇప్పటికే భాగస్వామ్యం కుదుర్చుకుంది.