పురాతన కాలం నుండి మెంతులు మన వంటింటిలో ముఖ్యమైన దినుసుగా ప్రముఖమైన పాత్రను పోషిస్తున్నాయి.ముఖ్యంగా మెంతులను వంటల్లో రుచి,సువాసన కోసం వేస్తూ ఉంటాం.
అయితే మెంతుల్లో ఎన్నో ఆరోగ్య ప్రయోజనాలు దాగి ఉన్నాయి.ఒక స్పూన్ మెంతులను రాత్రంతా నీటిలో నానబెట్టి మరుసటి రోజు మెత్తని పేస్ట్ గా తయారుచేసుకొని పరగడుపున తింటే అద్భుతమైన ఆరోగ్య ప్రయోజనాలను పొందవచ్చు.
ఇప్పుడు వాటి గురించి వివరంగా తెలుసుకుందాం.
మెంతులు మధుమేహం ఉన్నవారికి గొప్ప దివ్య ఔషధం అని చెప్పవచ్చు.ప్రతి రోజు క్రమం తప్పకుండ ఉదయం పరగడుపున మెంతుల పేస్ట్ తింటే రక్తంలో చక్కర స్థాయిలు అదుపులో ఉంటాయి.దాంతో మధుమేహం నియంత్రణలో ఉంటుంది.
పాలిచ్చే తల్లులు మెంతుల పేస్ట్ తింటే పాలు బాగా ఉత్పత్తి అవుతాయి.
మెంతుల్లో యాంటీ ఆక్సిడెంట్లు సమృద్ధిగా ఉండుట వలన చర్మంపై మచ్చలను తొలగించి చర్మాన్ని కాంతివంతంగా చేస్తుంది.
అంతేకాక వయస్సు పెరిగే కొద్దీ వచ్చే ముడతలు కూడా తగ్గిపోతాయి.
ప్రతి ఒక్కరు ఎదుర్కొనే చెడు కొలస్ట్రాల్ సమస్య కూడా తగ్గిపోతుంది.
దాంతో గుండె జబ్బులు వచ్చే అవకాశాలు తగ్గిపోతాయి.అంతేకాక రక్తపోటు కూడా అదుపులో ఉంటుంది.
మరో ముఖ్యమైన విషయం ఏమిటంటే మెంతుల పేస్ట్ పరగడుపున తినటం వలన జీర్ణ ప్రక్రియ సాఫీగా జరిగి గ్యాస్,మలబద్దకం,అసిడిటీ, అల్సర్లు వంటివి అన్ని తగ్గిపోతాయి.
తెలుగు ఆరోగ్య టిప్స్, వార్త విశేషాలు సులభముగా తెలుసుకోండి!!!!
