'డీజే టిల్లు' సినిమాని వదులుకున్న స్టార్ హీరో అతనేనా..? భలే ఛాన్స్ మిస్ అయ్యాడుగా!

గత ఏడాది కరోనా మూడవ లాక్ డౌన్ ఎత్తివేసిన వెంటనే విడుదలైన చిత్రం సిద్ధూ జొన్నలగడ్డ( Siddu Jonnalagadda ) హీరోగా నటించిన డీజీ టిల్లు.

విడుదలకు ముందే పాటల ద్వారా మంచి అంచనాలను ఏర్పాటు చేసిన సినిమా, విడుదల తర్వాత మొదటి ఆట నుండే అద్భుతమైన పాజిటివ్ టాక్ ని సొంతం చేసుకొని బాక్స్ ఆఫీస్ వద్ద కాసుల కనకవర్షం కురిపించింది.

ముఖ్యంగా రెండు తెలుగు రాష్ట్రాల్లో ఉన్న యూత్ ఈ సినిమాకి ఒక రేంజ్ లో కనెక్ట్ అయ్యారు.ఇప్పటికీ ఈ సినిమాని ఖాళీ దొరికినప్పుడల్లా టైం పాస్ కోసం చూస్తూనే ఉంటారు ప్రేక్షకులు.

తెలంగాణ యాస లో సిద్దు జొన్నలగడ్డ చెప్పే డైలాగ్స్ నవ్వులు పూయించాయి.ఆయన కామెడీ టైమింగ్ కి కూడా ఆడియన్స్ ఫిదా అయిపోయారు.

అప్పటి వరకు ఒకటి రెండు సినిమాల్లో హీరో గా నటించిన సిద్దు కి పెద్ద గుర్తింపు రాలేదు కానీ, ఈ సినిమాతో మాత్రం ఆయన యూత్ లో తనకంటూ ఒక ప్రత్యేకమైన క్రేజ్ ని సంపాదించుకున్నాడు.