ఒకరి ఆనందాలలో ఎవరైనా సరే పాలుపంచుకోవడానికి ఆసక్తి చూపిస్తారు.అదే కష్టాల్లో నిజమైన ఫ్రెండ్స్‌ తప్ప ఎవరూ పలకరించరు.
వందమంది శత్రువులు ఉన్నా సరే ఒక మంచి ఫ్రెండ్ ఉంటే చాలు అని అందుకే అంటారు.ఏ కష్టం వచ్చినా నిజమైన స్నేహితుడు( True Friend ) మనల్ని కాపాడతాడు.
అయితే స్నేహమనేది కేవలం మనుషుల మధ్య మాత్రమే కాదు, అన్ని జీవుల మధ్య ఉంటుంది.ఈ విషయాన్ని తాజాగా ఒక బల్లి( Lizard ) నిరూపించి అందర్నీ ఆశ్చర్యపరుస్తోంది.
దీనికి సంబంధించిన వీడియో సోషల్ మీడియాలో వైరల్‌గానూ మారింది.
వైరల్ వీడియో ప్రకారం, ఒక పాము( Snake ) ఒక బల్లి జాతికి చెందిన జెక్కోను( Gecko ) చుట్టేసి దాన్ని చంపేందుకు ప్రయత్నించింది.ఊపిరాడక ఆ బల్లి ప్రాణాలతో కొట్టుమిట్టాడింది.ఇంతలోనే దాని ఫ్రెండ్ ఈ దృశ్యాన్ని చూసి ఒక్కసారిగా షాక్ అయింది.
ఆపై తేరుకొని తన ఫ్రెండ్ ని రక్షించాలని తన ప్రాణాలను సైతం ఫణంగా పెట్టింది.సదరు బల్లి పాముతో భీకరంగా పోరాడి తన ఫ్రెండ్ బల్లిని కాపాడింది.
గోడ పైనే ఈ బల్లి పాముల మధ్య హోరాహోరీ యుద్ధం జరిగింది.చివరికి బల్లి గెలిచి తన ఫ్రెండ్ ని కాపాడుకోగలిగింది.
ఈ దృశ్యం చూసేందుకు చాలా అద్భుతంగా అనిపించింది.
అసలైన స్నేహానికి ఉత్తమ ఉదాహరణగా నిలుస్తున్న ఈ వీడియో ఇన్‌స్టాలో @ivan_starykh_ అనే అకౌంట్ షేర్ చేసింది.ఈ అరుదైన సంఘటన కంబోడియా దేశంలో చోటుచేస్తుంది.ఈ అద్భుతమైన వీడియోని మీరు కూడా చూసేయండి.
