భారత క్రికెట్ చరిత్రలో యువరాజ్ సింగ్ ( Yuvraj Singh ) ప్రత్యేకమైన స్థానం కలిగి ఉన్నాడు.అతని అద్భుతమైన హిట్టింగ్ సామర్థ్యం, మరుపురాని ఇన్నింగ్స్ లు ఇప్పటికీ అభిమానులను ఆశ్చర్యానికి గురి చేస్తాయి.2007 టీ20 వరల్డ్ కప్‌లో స్టువర్ట్ బ్రాడ్ బౌలింగ్‌లో 6 సిక్సులు కొట్టి చరిత్ర సృష్టించిన యువరాజ్, తాజాగా మరోసారి తన పవర్ హిట్టింగ్‌ను ప్రదర్శించాడు.
ప్రస్తుతం జరుగుతున్న ఇంటర్నేషనల్ మాస్టర్స్ లీగ్‌లో( International Masters League ) ఆస్ట్రేలియాతో జరిగిన మ్యాచ్‌లో యువరాజ్ సింగ్ మరోసారి తన సిక్సర్ల మోతను వినిపించాడు.30 బంతుల్లో 59 పరుగులు చేసిన యువీ, ఏడు భారీ సిక్సర్లు బాదాడు.అలాగే, ఒక బౌండరీ కూడా కొట్టి తన స్ట్రైక్ రేట్‌ను మైంటైన్ చేశాడు.
ముఖ్యంగా, ఆసీస్ లెగ్ స్పిన్నర్ మెక్‌గెయిన్ బౌలింగ్‌లో వరుసగా మూడు సిక్సర్లు కొట్టడం అభిమానులను ఉత్సాహపరిచింది.
భారత మాస్టర్స్ జట్టు కెప్టెన్ సచిన్ టెండూల్కర్( Sachin Tendulkar ) కూడా తన స్టైల్‌లో అదరగొట్టాడు.30 బంతుల్లో 42 పరుగులు చేసిన సచిన్, ఏడు బౌండరీలు బాదాడు.యువరాజ్, సచిన్ ఇన్నింగ్స్‌లతో ఇండియా మాస్టర్స్( India Masters ) జట్టు నిర్ణీత ఓవర్లలో 7 వికెట్ల నష్టానికి 220 పరుగులు చేసింది.220 పరుగుల భారీ లక్ష్యాన్ని చేధించడానికి బరిలోకి దిగిన ఆస్ట్రేలియా జట్టు, పవర్‌ప్లేలోనే కష్టాల్లో పడింది.షేన్ వాట్సన్, షాన్ మార్ష్ తక్కువ స్కోర్లకే అవుటయ్యారు.
షాబాద్ నదీమ్ అద్భుతంగా బౌలింగ్ చేస్తూ కేవలం 15 పరుగులే ఇచ్చి 4 కీలక వికెట్లు తీసుకున్నాడు.దీంతో ఆస్ట్రేలియా కేవలం 126 పరుగులకే ఆలౌటైంది.
94 పరుగుల భారీ తేడాతో ఇండియన్ మాస్టర్స్ జట్టు ఘన విజయం సాధించింది.యువరాజ్ సింగ్ సిక్సర్ల వర్షం, సచిన్ టెండూల్కర్ మాస్టర్ క్లాస్ బ్యాటింగ్, బౌలర్ల అద్భుత ప్రదర్శన ఇవన్నీ ఈ విజయానికి కారణమయ్యాయి.మరోవైపు, రెండవ సెమీ ఫైనల్‌లో శ్రీలంక మాస్టర్స్ జట్టు వెస్టిండీస్ మాస్టర్స్‌తో తలపడనుంది.ఈ మ్యాచ్ యువరాజ్ సింగ్ దూకుడు మళ్లీ గుర్తుకు తెచ్చినట్లు అయ్యింది.ఆయన బ్యాటింగ్ చూడడం అభిమానులకు అద్భుత అనుభూతిని కలిగించింది.
𝐘𝐮𝐯𝐫𝐚𝐣'𝐬 𝐬𝐢𝐱-𝐬𝐚𝐭𝐢𝐨𝐧𝐚𝐥 5️⃣0️⃣! 💪
His powerful display leads him to a remarkable half-century! ⚡🙌
Watch the action LIVE ➡ on @JioHotstar, @Colors_Cineplex & @CCSuperhits! #IMLT20 #TheBaapsOfCricket #IMLonJioHotstar #IMLonCineplex pic.twitter.com/QhJRdyh4zu— INTERNATIONAL MASTERS LEAGUE (@imlt20official) March 13, 2025
