వీడియో: దొంగతో వీరోచితంగా పోరాడిన యువతి.. చివరికి ఏమైందంటే..

ఈ రోజుల్లో దొంగలు ఎక్కువగా ఆడవారు లేదా ముసలి వారిపై దాడులు చేస్తూ వారి నుంచి విలువైన వస్తువులను దోచుకెళ్తున్నారు.

ఎవరూ లేని వీధుల్లో ఒంటరిగా మహిళలు కనిపిస్తే చాలు ఈ దొంగలు రెచ్చిపోతున్నారు.

వారి మొబైల్ ఫోన్ లేదా హ్యాండ్ బ్యాగ్స్‌ లాకెళ్తున్నారు.అయితే తాజాగా ఇలాంటి ఓ సిచువేషన్ ఒక యువతికి ఎదురయ్యింది.

అయితే ఆ యువతి అందరిలాగా భయపడిపోలేదు.అతడితో ఆ అమ్మాయి వీరోచితంగా పోరాడి దొంగకి ముచ్చెమటలు పట్టించింది.

చివరికి అతడు తోక ముడిచి అక్కడి నుంచి పరారయ్యాడు.దీనికి సంబంధించిన వీడియో ఇప్పుడు సోషల్ మీడియాలో వైరల్‌గా మారింది.

ఢిల్లీలో సెప్టెంబర్ 4న రాత్రిపూట 11 గంటల 30 నిమిషాల ప్రాంతంలో ఈ ఘటన చోటు చేసుకుంది.వివరాల్లోకి వెళితే.

టిక్రీ ప్రాంతానికి చెందిన ఒక యువతి తాజ్‌పూర్ పహారీలోని తన ఫ్రెండ్ ఇంటి నుంచి ఇంటికి బయలు దేరింది.ఆ సమయంలో ఆమె ఢిల్లీలోని బాదర్పూర్ ప్రాంతంలో నడుచుకుంటూ వెళుతోంది.

అయితే ఆ ప్రాంతంలో ఎవరూ లేరు.దాంతో అటువైపు నుంచి వెళ్తున్న ఓ దొంగ యువతిని దోచుకోవాలని అనుకున్నాడు.

మొదటిగా అతడి కన్ను ఆ యువతి చేతిలోని మొబైల్ ఫోన్‌పై పడింది.దాంతో అతడు ఆమె చేతిలోని ఫోన్ గుంజుకుని పరిగెత్తడానికి ప్రయత్నించాడు.

ఈ క్రమంలోనే ఏ మాత్రం భయపడకుండా ఆ యువతి ఆ దొంగ టీ-షర్ట్‌ను గట్టిగా పట్టుకుంది.