వీడియో: సెల్ఫీ కోసం రిస్క్.. అడవిదున్న ఛేజ్ చేస్తుంటే చనిపోయినట్లే యాక్టింగ్.. చివరికి?

చాలా మంది ప్రజలు విహారయాత్రలకు వెళ్ళినప్పుడు అదే పనిగా సెల్ఫీలు తీసుకుంటారు.కొందరైతే ప్రమాదకరమైన ప్రదేశాలలో లేదా పరిస్థితులలో ఫోటోలు దిగేందుకు ఇష్టపడతారు.

ఇలాంటి కోవకు చెందిన చాలామంది ఇప్పటికే మృత్యవాతపడ్డారు.వ్యక్తులు సెల్ఫీలు తీసుకోవడానికి ప్రయత్నిస్తూ కొండలపై నుంచి పడిపోవడం, ట్రైన్లు, కార్లు వారిని ఢీకొట్టడం లేదా జలపాతాల్లో పడిపోయి చనిపోవడం వంటి ఘటనలెన్నో ఇప్పటికే సోషల్ మీడియా( Social media )లో వైరల్ అయ్యాయి.

ఇక జంతువులతో ఫోటో దిగి ఫ్యామిలీ, ఫ్రెండ్స్ ముందు షో చేయొచ్చనే తపనతో కూడా కొందరు రిస్కు చేసి చివరికి భారీ మూల్యం చెల్లించుకున్నారు.అయితే ఇటీవల ఒక మహిళ కూడా అడవి జంతువులు ఉన్న ప్రదేశానికి వెళ్లి సెల్ఫీ తీసుకోవాలనుకుంది.

అదే సమయంలో ఒక పెద్ద అడవిదున్న ఆమెపై ఎటాక్ చేసేందుకు దూసుకు వచ్చింది.దీనికి సంబంధించిన వీడియో వైరల్‌గా మారింది.

"ఇన్‌సైడ్ హిస్టరీ" అనే ఇన్‌స్టాగ్రామ్‌ అకౌంట్ దీన్ని షేర్ చేసింది.