2023 సంక్రాంతి సినిమాలకు సంబంధించి ఏ చిన్న అప్ డేట్ వచ్చినా ఆ అప్ డేట్ క్షణాల్లో వైరల్ అవుతున్న సంగతి తెలిసిందే.వాల్తేరు వీరయ్య, వీరసింహారెడ్డి సినిమాలకు వారసుడు పోటీనివ్వడం సాధ్యమేనా అని ఇండస్ట్రీ వర్గాల్లో కామెంట్లు వినిపిస్తున్నాయి.
వారసుడు మూవీ ప్రమోషన్లలో వేగం పెరగకపోవడంతో ఈ సినిమా తెలుగు రాష్ట్రాల్లో భారీగా కలెక్షన్లను సాధించడం కష్టమేనని కామెంట్లు వినిపిస్తున్నాయి.
అయితే తాజాగా వారసుడు మూవీ సెన్సార్ కార్యక్రమాలను పూర్తి చేసుకుంది.
సెన్సార్ సభ్యుల నుంచి ఈ సినిమాకు పాజిటివ్ టాక్ వినిపిస్తుండటం గమనార్హం.ఫ్యామిలీ ఎంటర్టైనర్ గా ఈ సినిమా తెరకెక్కగా సెన్సార్ సభ్యుల నుంచి ఈ సినిమాకు క్లీన్ యు సర్టిఫికెట్ లభించింది.
అన్ని వర్గాల ప్రేక్షకులకు నచ్చేలా ఈ సినిమా ఉందని సెన్సార్ సభ్యులు ఈ సినిమా విషయంలో రియాక్ట్ అయ్యారని తెలుస్తోంది.
వారసుడు సినిమాతో విజయ్ మరోసారి బాక్సాఫీస్ ను షేక్ చేస్తారని కామెంట్లు వినిపిస్తున్నాయి.
విజయ్ గత సినిమా బీస్ట్ ప్రేక్షకులను మెప్పించలేదు.వారసుడు సినిమాలో విజయ్ కు జోడీగా రష్మిక నటించగా ఈ సినిమా ట్రైలర్ కు సంబంధించిన అప్ డేట్ రావాల్సి ఉంది.
రష్మిక తెలుగులో ఇప్పటికే స్టార్ హీరోయిన్ కాగా తమిళంలో కూడా స్టార్ స్టేటస్ ను సొంతం చేసుకోవాలని రష్మిక కోరుకుంటున్నారు.
వారసుడు సినిమా సక్సెస్ సాధిస్తే తమిళ ప్రేక్షకులు సైతం రష్మిక యాక్టింగ్ కు ఫిదా అయ్యే ఛాన్స్ అయితే ఉంటుంది.రష్మిక ఈ మధ్య కాలంలో సౌత్ సినిమాలపై నెగిటివ్ కామెంట్లు చేయగా ఆ కామెంట్లు ఆమెకు ఒకింత మైనస్ అయ్యాయి.వారసుడు సినిమాకు తమిళనాడు కలెక్షన్లు కీలకం కాగా వంశీ పైడిపల్లి కూడా ఈ సినిమాతో సక్సెస్ ను సొంతం చేసుకోవాలని భావిస్తుండటం గమనార్హం.
