అమెరికాలో రోడ్డు ప్రమాదం .. తెలుగు విద్యార్ధి దుర్మరణం

అమెరికాలో విషాదం చోటు చేసుకుంది.రోడ్డు ప్రమాదంలో ఓ తెలుగు విద్యార్ధి దుర్మరణం పాలయ్యాడు.

మృతుడిని ఆంధ్రప్రదేశ్‌కు చెందిన బీలం అచ్యుత్‌గా( Belam Achyut ) గుర్తించారు.న్యూయార్క్ స్టేట్ యూనివర్సిటీలో( State University of New York ) ఎంఎస్ చదువుకుంటున్న అతను బుధవారం సాయంత్రం ప్రమాదానికి గురై , ప్రాణాలు కోల్పోయినట్లు న్యూయార్క్‌లోని భారత కాన్సులేట్ కార్యాలయం సోషల్ మీడియా ద్వారా తెలిపింది.

అచ్యుత్ అకాల మరణం బాధించిందని, మృతుడి కుటుంబ సభ్యులకు ప్రగాఢ సానుభూతిని తెలిపింది.అతని కుటుంబ సభ్యులు, స్థానిక ఏజెన్సీలతో టచ్‌లో ఉన్నామని .అచ్యుత్ మృతదేహాన్ని భారత్‌కు పంపేందుకు అండగా ఉంటామని కాన్సులేట్ కార్యాలయం ట్విట్టర్ ద్వారా వెల్లడించింది.