ఇటీవల ఇంటర్నెట్‌లో ఒక హార్ట్ టచింగ్ స్టోరీ వైరల్ గా మారి చాలా మంది హృదయాలను దోచుకుంది.అదేంటంటే గుజరాత్‌లోని( Gujarat ) దీసాలో చిన్నతనంలో ఎన్నో మధుర జ్ఞాపకాలను ఏర్పరచుకున్న ఇద్దరు స్నేహితులు చిరుప్రాయాల్లోనే విడిపోయారు.వాళ్లు ఇప్పుడు మళ్లీ కలిశారు.1947లో భారతదేశం-పాకిస్థాన్ విభజన( India-Pakistan Partition ) కారణంగా వారి జీవితాలు అకస్మాత్తుగా మలుపు తిరిగాయి, వారు కేవలం 12 సంవత్సరాల వయస్సులో విడిపోవాల్సి వచ్చింది.దూరంగా ఉన్నప్పటికీ, వారి స్నేహం కొనసాగింది.
1982లో వారు న్యూయార్క్‌లో( New York ) కలుసుకున్నారు, అక్టోబర్ 2023 వరకు వారు నిజంగా మళ్లీ కనెక్ట్ అయ్యే అవకాశం రాలేదు.ఈ ప్రత్యేకమైన క్షణాన్ని మేగన్ కొఠారీ( Megan Kothari ) వీడియోలో బంధించారు, ఆమె 32 ఏళ్ల వయస్సు, స్నేహితుల్లో ఒకరైన సురేష్ కొఠారి( Suresh Kothari ) మనవరాలు.ఆమె ఈ హృదయపూర్వక యూనియన్‌ను ‘బ్రౌన్‌హిస్టరీ’ అనే ఇన్‌స్టాగ్రామ్ పేజీలో పంచుకుంది.
ఈ ఫ్రెండ్స్ బ్యాక్‌స్టోరీ చాలామంది హృదయాలను కదిలిస్తుంది.1947లో పాకిస్థాన్‌కు చేరుకున్న తర్వాత, స్నేహితుడు AG షకీర్( AG Shakir ) సురేష్‌కి ఒక లేఖ పంపాడు, అతను సురక్షితంగా పాక్‌కు చేరుకున్నట్లు పేర్కొన్నాడు, రావల్పిండిలో తన కొత్త చిరునామాను ఇచ్చాడు.ఈ చిరునామాను సురేష్ ఇప్పటికీ హృదయపూర్వకంగా గుర్తుంచుకున్నాడు.వారు లేఖల ద్వారా సన్నిహితంగా ఉండటానికి ప్రయత్నించారు, కానీ భారతదేశం, పాకిస్థాన్ మధ్య రాజకీయ ఉద్రిక్తతలు పెరగడంతో, వారి కమ్యూనికేషన్ క్షీణించింది.
రీయూనియన్ వీడియోలో ఇద్దరు వృద్ధులు షేక్ హాండ్స్ ఇచ్చుకోవడం , ఆ తర్వాత ఆలింగనం చేసుకోవడం కనిపించింది.సాయంత్రం పూట ఒకరి సంగతులను మరొకరు నెమరువేసుకుంటూ ఆనందించారు.సంవత్సరాలు, అడ్డంకులు వారిని దూరంగా ఉంచినప్పటికీ, వీడియో ఇద్దరి మధ్య శాశ్వతమైన ప్రేమ, గౌరవాన్ని హైలైట్ చేసింది.ఏ సరిహద్దు లేదా ప్రభుత్వం విడదీయలేని మానవ సంబంధాల శాశ్వత బలానికి ఇది నిదర్శనం.
ఈ స్నేహితులు మళ్లీ వచ్చే నెలలో కలుసుకోనున్నారు.2024, ఏప్రిల్‌లో న్యూజెర్సీలో సురేష్ 90వ జన్మదిన వేడుకలను జరుపుకోవడానికి తాము మళ్లీ కలవాలని భావిస్తున్నామని మేగన్ పేర్కొన్నారు.నిజమైన స్నేహానికి హద్దులు లేవని వీరి కథ చెప్పకనే చెబుతోంది.
