ఆ టికెట్లు లేని భక్తులకు టీటీడీ విజ్ఞప్తి.. దయచేసి రావద్దంటూ..!

ప్రతి భక్తుడు కూడా జీవితంలో ఒక్కసారి అయినా తిరుమలలోని శ్రీ వెంకటేశ్వర స్వామి( Sri Venkateswara Swamy )ని దర్శించుకోవాలని కోరుకుంటాడు.

తిరుమలలోని శ్రీవారి దర్శనం చేసుకుంటే తన జీవితం ధన్యమవుతుందని అనుకుంటాడు.

అలాగే తాము చేసిన పాపాలు మొత్తం పోతాయని శ్రీవారి భక్తుల నమ్మకం.ఇదే జగమెరిగిన సత్యం అని ఎన్నోసార్లు రుజువైంది.

అయితే ప్రస్తుతం తిరుమల ( Tirumala )లో భక్తుల రద్దీ పెరిగింది.శనివారం ఔటర్ రింగ్ రోడ్డు, శిలా తోరణం వరకు క్యూ లైన్లు కొనసాగుతున్నాయి.

అయితే వరుస సెలవులతో పాటు వారాంతపు రద్దీతో దేశం నలుమూలల నుండి తిరుమలకు వచ్చిన భక్తులతో నిండిపోయింది.అయితే శ్రీవారి దర్శనం కోసం టోకెన్లు లేని భక్తులకు శ్రీవారి దర్శనం కోసం 30 గంటల సమయం పడుతుంది.

మాతృశ్రీ తరిగొండ వెంగమాంబ అన్న ప్రసాద భవనం, తిరుమలలోని అన్నప్రసాద కౌంటర్లు నారాయణగిరి ఉద్యనవనాలతో పాటు భక్తుల రద్దీ ఎక్కువగా ఉండే ప్రాంతాలలో ఆహారం, పాలు, త్రాగునీరు అందించేందుకు టీటీడీ విస్తృతమైన ఏర్పాట్లు చేసింది.అలాగే శ్రీవారి సేవకులు అన్న ప్రసాదం అందించారు.