కుడితిలో పడ్డ ఆ నేత.. ఇప్పుడు గిలగిలలాడుతున్నాడు

ఓడలు బళ్లు అవ్వడం .బళ్లు ఓడలు అవ్వడం రాజకీయాల్లో షరా మాములే! రాజకీయాల్లో ఎప్పుడు ఎవరి స్థానం ఎలా ఉంటుందో చెప్పలేము.

కానీ ఇక్కడ అధికారం ఉన్నవాడిదే రాజ్యం వారికే సకల మర్యాదలు ఉంటాయి.కానీ ప్రస్తుత గ్రూపు రాజకీయాల్లో నాయకుల పరిస్థితి ఎప్పుడు ఎలా ఉంటుందో చెప్పలేకపోతున్నాం.

ఇప్పుడు ఇదే విధంగా ఇబ్బంది పడుతున్నాడు రాజకీయాల్లో సీనియర్ నాయకుడిగా పేరున్న ధర్మపురి శ్రీనివాస్ ( డీఎస్ ) .ఆయనకు సొంత పార్టీ టీఆర్ఎస్ అధినాయకులు పొమ్మనలేక పొగ పెట్టడం ఆయన రాజకీయ భవిష్యత్తుని అగాధంలోకి నెట్టేస్తోంది.పోనీ తన పాత పార్టీ కాంగ్రెస్ గూటికి వెళదాం అంటే అక్కడ ప్రస్తుతం ఉన్న నాయకులు అడ్డుకుంటున్నారు.

ఈ పరిస్థితుల్లో ఆయన పరిస్థితి ఏంటో అర్ధం కాక ఆయన తీవ్ర గందరగోళంలో ఉన్నాడు.ప్రస్తుతం ఆయన టీఆర్ఎస్ పార్టీ తరపున రాజ్యసభ సభ్యుడిగా ఉన్నారు.