తెలుగు సినీ ప్రేక్షకులకు హీరోయిన్ విమలా రామన్ గురించి ప్రత్యేకంగా పరిచయం అక్కర్లేదు.మొదట మలయాళ సినిమాలతో సినీ ఇండస్ట్రీకి ఎంట్రీ ఇచ్చిన ఈ ముద్దుగుమ్మ ఆ తర్వాత హీరో వరుణ్ సందేశ్ నటించిన ఎవరైనా ఎప్పుడైనా సినిమాతో తెలుగు ఇండస్ట్రీకి పరిచయం అయ్యింది.
మొదటి సినిమాతోనే మంచి గుర్తింపు ఏర్పరచుకున్న విమలా ఆ తర్వాత తెలుగులో కులు మనాలి, రాజ్, చుక్కలాంటి అమ్మాయి చక్కనైన అబ్బాయి, చట్టం, గాయం-2 లాంటి సినిమాలతో ప్రేక్షకులను ఆకట్టుకుంది.
ఇదిలా ఉంటే తాజాగా సోషల్ మీడియాలో, కోలీవుడ్ సినీ వర్గాల లో ఒక వార్త చక్కర్లు కొడుతోంది.
అదేమిటంటే విమల రామన్ త్వరలోనే పెళ్లి పీటలు ఎక్కబోతున్నట్లు తెలుస్తోంది.విమలారామన్ తమిళ నటుడు అయిన వినయ్ రాయ్ గత కొంతకాలంగా ప్రేమలో మునిగి తేలుతున్నారు.అయితే ఈ ప్రేమ పక్షులు త్వరలోనే ఒక్కటి కావాలని నిర్ణయించుకున్నట్టు తెలుస్తోంది.ఈ నేపథ్యంలోనే వీరిద్దరూ త్వరలోనే మూడుముళ్ల బంధంతో ఒక్కటి కావాలని నిర్ణయించుకున్నట్లు కోలీవుడ్ సినీ వర్గాల్లో గుసగుసలు వినిపిస్తున్నాయి.
గత కొంత కాలంగా డేటింగ్ లో ఉన్న ఈ జంట ఇప్పటికే పలుసార్లు మీడియా కంటపడిన విషయం తెలిసిందే.అంతేకాకుండా వీరిద్దరికీ సమయం దొరికినప్పుడల్లా మాల్దీవుల్లో హాలిడే లను ఎంజాయ్ చేస్తూ సంబంధించిన ఫోటోలను సోషల్ మీడియాలో షేర్ చేశారు.అయితే వీరు త్వరలోనే పెళ్లి చేసుకోబోతున్నారు అని ఈ జంట తో సన్నిహితంగా ఉండే వారు తెలిపారు.అయితే పెళ్లి తేదీని అధికారికంగా ప్రకటిస్తారని తెలిపారు.మరి ఈ విషయంపై ఆ జంట ఏ విధంగా స్పందిస్తుందో చూడాలి మరి.
తెలుగు వార్త విశేషాలు సులభముగా తెలుసుకోండి!!!!
