టిక్ టాక్ కీలక నిర్ణయం.. ఏకంగా 40 లక్షల వీడియోలు తొలగింపు..

మన దేశంలో ఎంతో ప్రజాదరణ పొందిన టిక్ టాక్‌ను( Tik Tok ) కేంద్ర ప్రభుత్వం బ్యాన్ చేసింది.

చైనా మూలాలు ఉన్నాయనే ఆరోపణలతో ఈ సోషల్ మీడియా యాప్‌పై వేటు వేసింది.

అయితే చాలా ప్రపంచ దేశాల్లో ఇది అమల్లో ఉంది.ఇక యూరప్ దేశాల్లో దీనిని వినియోగించే యూజర్లు అధిక సంఖ్యలో ఉన్నారు.

అయితే తమ దేశాల్లో సోషల్ మీడియా ప్లాట్ ఫారాలు, టెక్ దిగ్గజాల పట్ల కఠిన నిబంధనలను యూరోపియన్ యూనియన్( European Union ) అమలు చేస్తోంది.డిజిటల్ సేవలపై కొత్త యూరోపియన్ చట్టం ప్రస్తుతం అమల్లో ఉంది.

దీనిని అనుసరించి టిక్ టాక్ కీలక నిర్ణయం తీసుకుంది.కేవలం ఒక నెలలో ఏకంగా 40 లక్షల వీడియోలను తొలగించింది.

అవి చట్టవిరుద్ధమైన లేదా హానికరమైనవిగా ప్రకటించింది.టిక్ టాక్ ఇటీవల మోడరేషన్ పాలసీకి సంబంధించి నివేదికను ప్రచురించింది.

అందులో ఈ విషయాన్ని వెల్లడించింది.