ఈ వారం థియేటర్లు, ఓటీటీలలో విడుదలవుతున్న అదిరిపోయే సినిమాలివే!

ఫిబ్రవరి నెల చివరి వారంలో, మార్చి నెల మొదటి వారంలో ఎన్నో క్రేజీ సినిమాలు ఓటీటీలు, థియేటర్లలో విడుదలవుతున్నాయి.ఫిబ్రవరి నెల ముగింపుకు ఒక్కరోజు మాత్రమే ఉండగా ఈ నెలలో విడుదలైన సినిమాలలో సక్సెస్ సాధించిన సినిమాలు తక్కువగానే ఉన్నాయి.

అదే సమయంలో సంక్రాంతికి రిలీజైన క్రేజీ సినిమాలన్నీ ఇప్పటికే ప్రేక్షకులకు ఓటీటీలలో అందుబాటులోకి వచ్చేశాయి.

ఈ వారం విడుదలవుతున్న బలగం సినిమాపై మంచి అంచనాలు ఏర్పడ్డాయి.

కమెడియన్ వేణు ఈ సినిమాతో దర్శకునిగా పరిచయమవుతున్నారు.ఈ సినిమాలో ప్రియదర్శి హీరోగా నటిస్తుండగా కావ్య కళ్యాణ్ రామ్ హీరోయిన్ గా నటిస్తుండటం గమనార్హం.

భీమ్స్ ఈ సినిమాకు మ్యూజిక్ డైరెక్టర్ కాగా తెలంగాణ పల్లెటూరు బ్యాక్ డ్రాప్ లో ఈ సినిమా తెరకెక్కుతుండటం గమనార్హం.మార్చి 3వ తేదీన ఈ సినిమా రిలీజ్ కానుంది.

ఎస్వీ కృష్ణారెడ్డి డైరెక్షన్ లో తెరకెక్కిన ఆర్గానిక్ మామ హైబ్రీడ్ అల్లుడు సినిమా కూడా అదే తేదీన విడుదల కానుంది.ఈ సినిమాపై కూడా మంచి అంచనాలు నెలకొన్నాయి.రిచిగాడి పెళ్లి, సాచి, గ్రంథాలయం, సినిమాలు కూడా రిలీజ్ కానుండగా ఈ సినిమాలపై పెద్దగా అంచనాలు ఏర్పడలేదు.ఓటీటీల విషయానికి వస్తే ఈరోజు నుంచి వాల్తేరు వీరయ్య మూవీ స్ట్రీమింగ్ కానుంది.

హీట్ వేవ్, సె* లైఫ్, ధలైకూతల్ నెట్ ఫ్లిక్స్ లో స్ట్రీమింగ్ కానున్నాయని సమాచారం.అమెజాన్ ప్రైమ్ లో డైసీ జోన్స్ అండ్ ద సిక్స్, జీ5 లో తాజ్ డివైడెడ్ బై బ్లడ్ మార్చి 3వ తేదీన స్ట్రీమింగ్ కానున్నాయి.డిస్నీ ప్లస్ హాట్ స్టార్ లో ది మాండలోరియన్, ఎలోన్ మలయాళ వెర్షన్, తెలుగు వెర్షన్, గుల్మోహార్ హిందీ వెర్షన్ హాట్ స్టార్ లో విడుదల కానుంది.