యూఎస్: వామ్మో ఈ కాక్‌టెయిల్ ధర రూ.10 లక్షలట.. ఫ్యాన్సీస్ట్ డ్రింక్..?

అమెరికా దేశం, చికాగో నగరంలో( Chicago ) ఒక హై-ఎండ్ ఇటాలియన్ రెస్టారెంట్ ఉంది.దీని పేరు అడాలినా.

ఈ రెస్టారెంట్ మారో ఫైన్ అనే ఒక ప్రముఖ నగల కంపెనీతో కలిసి ప్రపంచంలోనే అత్యంత ఖరీదైన మార్టినిని తయారు చేసింది.ఈ మార్టినిని ‘మారో మార్టిని’( Marrow Martini ) అని పిలుస్తారు.

దీని ధర ఏకంగా 13,000 డాలర్లు (దాదాపు 10 లక్షల రూపాయలు)! ఈ ప్రత్యేకమైన కాక్‌టెయిల్‌ను 2022 ఇయర్ బెస్ట్ వైన్ ఎక్స్‌పర్ట్‌గా గుర్తింపు పొందిన కొలీన్ హోఫర్( Colin Hofer ) తయారు చేశారు.

ఈ మార్టినిని ప్రత్యేకంగా చేసేది ఏమిటంటే దాని అధిక ధర, ప్రత్యేకమైన ప్రదర్శన.

ఒక ప్రెస్ రిలీజ్ ప్రకారం, ఈ మారో మార్టిని ప్రదర్శనలో 9 క్యారట్ల వజ్రాల హారం కూడా పెడ్తారు.ఈ హారం 14 క్యారట్ల బంగారం.ఇందులో 150 వజ్రాలు పొదిగి ఉన్నాయి.ఫాక్స్ న్యూస్ డిజిటల్ ప్రకారం, ఈ కాక్‌టెయిల్‌( Cocktail ) టేస్ట్ చాలా స్ట్రాంగ్‌గా ఉంటుంది.

ఫ్లేవర్స్ కూడా ఎక్కువే.ఇందులో క్లాస్ అజుల్ మెజ్కల్, క్లారిఫైడ్ హెరిటేజ్ టమాటో వాటర్, లెమన్ బేసిల్ ఆలివ్ ఆయిల్, మిర్చి లిక్కర్ ఉన్నాయి.

ఈ డ్రింక్ ఒక గాజు క్లోచ్ కింద వడ్డిస్తారు.వజ్రాల హారంతో పాటు కస్టమర్‌కు అందజేస్తారు.

మారో మార్టిని అనేది కేవలం ఒక డ్రింక్ మాత్రమే కాదు, అది ఒక ప్రత్యేకమైన అనుభవం.ఈ మార్టినిని తయారు చేసిన వ్యక్తి కొలీన్ హోఫర్ మాట్లాడుతూ “ఈ మార్టినిని తాగడం అంటే కేవలం తాగడం మాత్రమే కాదు, చాలా ఖరీదైన నగలు ధరించడం లాంటి అనుభూతి.ఈ మార్టినితో పాటు వచ్చే వజ్రాల హారం దీనికి ఉదాహరణ.ఈ మార్టినిని తాగడం ద్వారా చాలా ఖరీదైన రెస్టారెంట్‌లో భోజనం చేస్తున్నామనే ఫీలింగ్ కలుగుతుంది.” అని అన్నారు.

మారో ఫైన్ కంపెనీ యజమాని జిలియన్ సాసోన్ మాట్లాడుతూ అడాలినా రెస్టారెంట్‌తో కలిసి పని చేయడం చాలా సంతోషంగా ఉందని చెప్పారు.ఆమె ఫాక్స్ న్యూస్‌తో మాట్లాడుతూ, అడాలినా రెస్టారెంట్( Adalina Restaurant ) చాలా బాగుందని, అక్కడ తినే ఆహారం చాలా టేస్టీగా ఉంటుందని చెప్పారు.ఆ రెస్టారెంట్‌లో ఆహారాన్ని తయారు చేసే వ్యక్తి చాలా పాపులర్ కుక్.

జిలియన్ సాసోన్ అడాలినా రెస్టారెంట్‌కు వెళ్లిన ప్రతిసారి అక్కడి ఆహారం, రెస్టారెంట్‌లో ఉండే ఉత్సాహం చూసి ఆశ్చర్యపోతుందని చెప్పారు.సెప్టెంబర్ 9 నుంచి అడాలినా రెస్టారెంట్‌లో ఈ మారో మార్టిని అమ్ముతున్నారు.

ఈ మార్టినిని చాలా మంది ఆర్డర్ చేయకపోయినప్పటికీ, ఈ మార్టిని గురించి చాలా మందికి తెలుసు.ముఖ్యంగా ఖరీదైన రెస్టారెంట్లకు వెళ్లడానికి ఇష్టపడే వాళ్లకు ఈ మార్టిని గురించి తెలుసు.