చంద్రబాబు రాజకీయం అంటే ఇదే ! ఓడించిన వాడికే గెలుపు బాధ్యతలు 

టిడిపి అధినేత చంద్రబాబు ( Chandrababu )రాజకీయ వ్యూహాలు ఆషామాషీగా ఎవరికి అర్థం కావు.అన్ని విషయాల్లోనూ తమదే పై చేయిగా ఉండాలనుకునే వ్యక్తి .

గెలిచినా ,ఓడినా తమ మాటే నగ్గాలనుకునే రకం.2019 అసెంబ్లీ ఎన్నికల్లో వైసిపి ఊహించని విధంగా టిడిపిని దెబ్బ కొట్టడం, 151 సీట్లతో వైసిపి అధికారంలోకి రావడాన్ని అప్పటి నుంచి ఇప్పటి వరకు చంద్రబాబు జీర్ణించుకోలేకపోతున్నారు .ముఖ్యంగా వైసిపి( ycp ) అధినేత, ఏపీ సీఎం జగన్( AP CM Jagan ) టిడిపిని దెబ్బతీయటమే లక్ష్యంగా పనిచేయడం, వచ్చే ఎన్నికల్లోను టిడిపిని ఓడించాలనే లక్ష్యాన్ని పెట్టుకోవడంతో, చంద్రబాబు దానికి ప్రతి వ్యూహాలను రచించారు.2019లో వైసిపి ఆ స్థాయిలో విజయం సాధించడానికి కారణం రాజకీయ వ్యవహకర్త ప్రశాంత్ కిషోర్( Prashant Kishore ) అన్న సంగతి తెలిసిందే.ప్రశాంత్ కిషోర్ ఊహాలను అమలు చేయడం ద్వారానే వైసీపీ అధికారంలోకి వచ్చిందని, 151  స్థానాలు దక్కాయని చంద్రబాబు గుర్తించారు.

తమ ఓటమికి కారణమైన ప్రశాంత్ కిషోర్ ద్వారానే వైసీపీని దెబ్బ కొట్టాలనే వ్యూహంతో చంద్రబాబు ఉన్నారు.