ఆ జిమ్ వర్కౌట్ చేస్తూ 48 కిలోలు తగ్గిన బ్రిటిష్ యువతి..!

ఈ రోజుల్లో ఓవర్ వెయిట్( Over weight ) ఉన్నవారు కొన్ని కిలోల బరువు తగ్గించుకోవడానికే చాలా కష్టపడుతున్నారు.

అలాంటిది మిల్లి స్లేటర్ అనే 20 ఏళ్ల యువతి ఏకంగా 48 కిలోలు తగ్గింది.

ఆమె వెయిట్ లాస్ జర్నీ ప్రస్తుతం ఇంటర్నెట్‌లో హాట్ టాపిక్‌గా మారింది.ఇంగ్లాండ్‌లోని నార్తాంప్టన్‌కు( Northampton, England ) చెందిన ఈ 20 ఏళ్ల యువతి మార్కెటింగ్ ఎగ్జిక్యూటివ్ గా పనిచేస్తోంది.2023 జనవరిలో మిల్లి తన బరువు 114 కిలోలు అని చెప్పింది.కానీ ఆమె దాదాపు 48 కిలోలు వదిలించుకుని, ఇప్పుడు 66 కిలోలకు తగ్గింది.

తన వెయిట్ లాస్ జర్నీని టిక్‌టాక్‌లో పంచుకోవడం ద్వారా అనేక మందికి స్ఫూర్తినిచ్చింది.మిల్లి తన విజయానికి కారణం నిబద్ధత, కఠినమైన రొటీన్ అని చెప్పింది.ఆమె వారానికి ఆరు రోజులు వెయిట్‌ట్రైనింగ్ చేసి, తన కేలరీలను జాగ్రత్తగా లెక్కించింది.

అయితే, ఆమె బరువును వేగంగా తగ్గించుకోవడానికి రహస్యం రోజూ ఇంక్లైన్ ట్రెడ్‌మిల్‌పై నడకే. ఆరోగ్యకరమైన ఆహారం, సరైన ఎక్సర్‌సైజ్‌ షెడ్యూల్‌ను అనుసరించడం ద్వారా ఆమె తన లక్ష్యాన్ని చేరుకుంది.