అక్కడి గుడారాలు ఆకాశంలో తేలుతాయి.. సంభ్రమాశ్చర్యాల్లో పర్యాటకులు

రెండు పర్వతాల మధ్య గుడారాలు ఆకాశంలో వేలాడడం అనేది ఊహకు అందని విషయం.దీనిని దుబాయ్ సుసాధ్యం చేసింది.ఆ దేశంలోని ప్రముఖ ఆర్కిటెక్చర్ సంస్థ అర్ద్ ఈ విభిన్న శైలిలోని నిర్మాణాలను చేపడుతోంది.దీనికి ది ఫ్లోటింగ్ రిట్రీట్ అనే పేరు పెట్టింది.

షార్జాలోని పర్వతాల మధ్య దీనిని త్వరలో నిర్మించనున్నారు.ఒక్కో గుడారంలో ఇద్దరు మాత్రమే ఉండగలిగేలా దీని నిర్మాణాలు చేపట్టారు.

పర్వతాలపై చాలా ఎక్కువగా గాలి వీస్తుంది.వీటిని తట్టుకుని ఉండేలా నిర్మాణాలను చేపట్టారు.

ఏ ప్రమాదం వచ్చినా వెంటనే కాపాడడానికి సిబ్బంది రెడీగా ఉంటారు.అగ్నిమాపక సిబ్బంది, ఇంజినీర్లు, హోటల్ ఉద్యోగులు అంతా పర్యాటకుల కోసం అన్ని వేళలా సిద్ధంగా ఉంటారు.

ఈ హోటల్‌లో పర్యాటకులకు అవసరమైన అన్ని సదుపాయాలు ఉంటాయి.స్పా, రెస్టారెంట్ వంటివి అందుబాటులో ఉంచారు.